佢心情好先施捨啲時間同我拍下拖

[匿名]

同男朋友一齊5年，歲數由2字變3字，大家工作同感情都穩定。我地見過曬對方屋企人/親戚，我亦都會偶然系佢屋企過夜，但係一對外我就好似隱形人，佢唔會帶我見朋友，ig/fb亦無我既蹤影，可能對佢黎講我唔見得人。

尼5年間，我見佢朋友既次數10次都無，初初我會想融入佢圈子跟佢去玩。我雖然唔係外向，但自問有禮貌唔失禮，我個次跟佢去飲嘢，佢夜晚1點幾就送左我走，之後就叫我以後唔好去，佢話朋友唔熟尷尬。第一次見唔熟好正常，但係佢直接落閘令我唔好受。

另外佢亦都會約朋友系屋企食飯/賭錢。同樣頭幾次我都有份，我亦會招呼客人。但係幾次後佢會直接同我講約左朋友黎，叫我唔好搵佢。我同佢講我想識佢啲朋友，佢答我話唔岩玩無謂尷尬。又一次我比佢拒絕。

我自己覺得為左日後生活和諧啲互相融入對方圈子在所難免，至少可以多個共同話題。我有邀請過佢見我朋友，佢會配合，但係只係出現陪住我食完成餐飯，feel到係應酬。幾次之後我約佢，佢會叫我自己見朋友，唔使再預佢。

我地fb/ig系兩年前呃交後隱藏左所有合照，個次係分手邊緣，但係我地唔捨得對方又一齊返。但個次之後我就系男朋友既社交媒體account消失左，我會keep住大事大節/拍拖時post下相，但係佢對外就表現到自己好似單身咁，其他人見到可能都覺得佢係available。連朋友都會問我：「你同男朋友散左？無你份既」

有人會同我講：「見曬屋企人唔使擔心啦」但係我知道系佢唔在意屋企人目光，我有同佢傾過日後結婚，每次佢都會hea我，又話男人要拼搏下，又話咁早結婚無意思依家拍拖幾好。我同佢拍拖既方式就係偶然收工/放假去佢屋企（佢約朋友我仲要消失），連我都懷疑自己同佢係咪sp得閒先執一劑。

我好似永遠係下把位，佢叫我我到，佢心情好就施捨多啲時間帶我出去拍下拖。但佢玩既時候我要消失，我亦都唔問得。我搞唔清之後條路點行，當想像到10年之後我都係唔見得光，我唔知係咪依家就要分手。

/p/ClYcOymJ5zn/

[匿名]

呢啲咁既男人 分手啦

[匿名]

又一個傻妹係度哂自己時間。。認真感情係你地兩個人既事 外人唔方便評論太多。。但你問得 。。你好清楚佢擺你係咩位置。你要結婚佢hea 你即係唔想。佢態度對你可有可無 你亦清楚。早 D 分開搵個更錫你既人唔好咩 ？？如果單身生活係70 分 你同佢一齊係10,0分。。仲要諗乜？

[匿名]

如果角色掉番轉？各位又點睇？

[匿名]

見咗屋企人就放心？我想講現實真係好恐怖、過往都見有唔少例子、我記得有單係個仔帶第二個返屋企佢屋企人知佢一腳踏兩船都係幫手隱瞞、仔女有幾仆街都好、都係有血緣嗰個、同你係無親的

[匿名]

分手啦 拍拖拍到咁唔開心🙈不如單身好過

[匿名]

Get your own life!

[匿名]

唔駛特登分手啦，而家同分咗有咩分別？直接識過個啦，可能佢都未必覺，慢慢唔搵大家就完咗。

[匿名]

完了吧，如無意外😎俾自己一個重生幸福嘅機會的吧🙏🏻施主

[匿名]

我同個ex 6年半都係見晒對方家長同親戚，但佢係ig fb已經好耐無再po過我，有我既相都del晒，甚至同人講佢係單身，你就會知其實佢想搵第二個，只係佢唔想講出口，等你自己察覺然後自動離場，佢就唔洗做衰人

[匿名]

我慘過你啦～ 5年都無見過家長，出街又話唔慣拖 平時又話攰又話忙 十日見一次

[匿名]

又唔係無條件、做乜要吊死一棵樹呢！

[匿名]

佢都做到咁出面你仲俾佢繼續吊住 其實當你心裡對佢既行為有介懷嗰陣 呢段關係已經變左質 你想等發霉？🦠