唔知要等幾耐佢先有夠錢同我結婚

[匿名]

我30，男朋友27
一齊左三年，同居左差不多一年

前排男朋友突然同我講佢呀哥話要係大陸買層樓比媽媽住，要我男朋友一齊供，未知幾時，但有喱個計劃。首先，佢係單親家庭長大，佢同呀哥、媽媽都係新移民，而本身都有公屋住緊，但我男朋友就出黎同我租屋住。佢呀哥單身，冇女朋友。

我想講供唔係問題，但我男朋友本身同我出黎住已經唔係幾草到錢，佢屋企人可能唔知，而我男朋友亦都冇諗住同佢地講自己有經濟困難。我明佢覺得自己係仔，好應該盡孝道🤦🏻‍♀️但佢連自己既將來都兼顧唔到。

我今日同佢講如果喱到完約既話，就叫佢搬番去同屋企住，我返返去同屋企人住，一黎佢都決定左要供，搬番去草到錢，冇咁大壓力。二黎，我覺得佢冇將我計劃係將來入面，因為我已經唔細，我唔知我要等佢幾耐，佢先有經濟能力同我結婚，佢本身冇乜積蓄。。。平時食飯都係你一餐我一餐，其他野都接近全部AA。三黎，我屋企人有自己既物業s，佢地成日都想我返去住。

再講，到佢真係係大陸買左層樓，佢係咪要搬埋過去住？定係香港搵地方同我租？佢到而加都未肯定。我同佢人工其實差唔多，而佢呀哥既人工係我地既一半有多，我唔明點解佢呀哥想買樓要搵我男朋友幫手供，佢自己就話有經濟能力，唔通你唔知你細佬冇乜錢？

我唔想同佢分手，除左其實我一直 Care 佢係大陸人、我唔會同佢去大陸之外，佢各方面都對我好好，我同佢一齊係將我所有野All in，換黎可能到最後都係浪費緊時間。

[匿名]

小姐，你條仔條件本來就唔好，而家仲話要幫屋企供樓，佢連自己都未顧得掂，仲邊有資格諗將來，仲話要諗埋你，講出嚟你都覺得冇可能啦，成件事已經好明顯，你咁有母愛想湊仔咩？湊下貓仔狗仔好過啦，洗咩湊男人😑

[匿名]

你男朋友無諗過同你的未來，佢呀哥都當你透明，佢媽應該都冇乜錢比佢哋兩兄弟，如果你想呢幾年買樓結婚，呢個男朋友就唔好考慮

[匿名]

唔知邊個浪費緊邊個既時間 及早收手對大家都好😂

[匿名]

分手，條仔都冇諗你，你洗乜諗佢

[匿名]

佢一出世就係大陸人啦，你唔係第一日知，既然係咁，點解你要同一個你歧視嘅人一齊？

[匿名]

放過自己放過個男仔啦，一個就嚟30歲嘅人連儲錢嘅習慣都冇，好明顯係冇諗將來啦

[匿名]

點解結婚要儲錢 😪 簽張紙都係結婚

[匿名]

有心同你結婚，就算冇錢都會去簽紙，你咁都唔明？

[匿名]

阿哥想吞左間公屋😂?

[匿名]

理性討論，想知其實結婚果陣係咪正常都男方出晒？定通常會一半半

[匿名]

嫌三嫌四，抵你死啦 😂而家就黎三張嘢 ，其實人地都冇諗過要娶你😂😂

[匿名]

我係女性我明白你嘅處景，但如果你自己唔想無了期咁等，就唯有選擇放手。

[匿名]

你係上泥問意見定make a statement?