發現佢用過心心sticker但唔係send比我

[匿名]

最近同男朋友有感情問題求diu醒🥲
我26 佢28 一齊左差唔多兩年
一齊既日子，我男朋友係真係好錫我，基本上除左返工所有既時間都係俾哂我，每個星期at least見6日，都算叫做半同居，佢對我好好，好多野都就哂我，係真係當我公主咁縱。

佢IG啲story/post全部都係關於我，會煮飯俾我食，會好take care我，佢同屋企人/朋友gathering都會帶埋我，佢連我屋企人都會take care埋，另外，佢屋企人亦都好錫我。

我個人無安全感，我地iphone會share location ，我會check佢location，會check佢電話，佢仲會無時無刻都報到，例如出門口，上車返工，收工…..而佢除左返工，一收工就係見我，間唔中會打波，但佢都會帶埋我一齊睇佢打波。佢俾好多自由同空間我，我可以同異性朋友食飯行山正常社交，但調番轉我連佢同異性朋友普通寒暄我都會介意，所以佢基本上得男仔friend。

近排心癮起睇佢ig dm，發現佢send左段好無聊既reel俾個女仔，但之前係無conversation ，我就起哂鋼發哂脾氣話佢cheat我要分手，佢就話嗰個女仔係幾年前識，但基本上可以話係完全唔熟，個女仔reply左我男朋友story話同女朋友好sweet好正，咁我男朋友呢排覺得同我一齊有少少壓力，好似無乜空間，咁啱講開就想問一個陌生人意見，睇下大家點樣舒服啲。佢之前有同佢啲兄弟講過，但佢啲兄弟就會企喺我男朋友嗰邊，話我唔好管住哂佢，所以佢就想聽一個唔熟我地既人，客觀睇呢件事，但就怕我會介意所以就del chat唔想我誤會，send reel只係純粹好無聊，無任何意思。

然後就好巧合地隔左一日見到佢whatsapp stickers recent sent頭兩個sticker係啲心心既sticker，我地mainly係signal傾計，嗰兩個sticker佢係無send過俾我，我就又係咁疲勞轟炸問佢send左俾邊個，佢話真係唔知，whatsapp全部都係工作既野。

咁我徹底咁check，發現佢換左新iphone之後連sticker都無用過，我就諗應該係restore嗰陣可能亂左。佢呢排就話覺得我唔信任佢，佢覺得我好陌生，都仲係鍾意我，但無以前咁愛我咁鍾意我 ，佢話而家好似唔可以100%咁投入呢段感情。不過呢排見面同相處其實同以前又無乜大分別，可能只係有少少少少awkward咁。

但我依家好煩惱 唔知應該點做去修補番段關係。因為我自己真係真心feel到其實佢真係全心全意對我，係我自己既多疑，我又迫到佢太緊，好似呀媽管住個仔咁。我好唔鍾意自己咁control freak😞

[匿名]

最好搵啲野俾自己做
分散下自己既專注力
人係需要空間既
迫得咁緊係會反效果

[匿名]

很強的摩擦力🗿

[匿名]

基本上可以看到你地的未來。佢對你越來越淡。你就越來越癲。最後你提出分手，想感情勒索佢，想佢tum番你。點知最後佢真係分手😢😢最後你就後悔不已🥲

[匿名]

❤️你係對呢個男朋友定以前男朋友都係咁？唔好怪責自己住，咁樣愈諗愈搵唔到出路。
可以試下見下心理輔導，幫你搵搵你冇安全感個源頭係邊，兩個人即使拍拖都係獨立個體，比啲空間自己同呢段關係，你會更加快樂。加油

[匿名]

😂😂😂 肯報到已經好好啦
點解咁痴線要Check 電話😂😂 信任無左就完架啦⋯⋯

[匿名]

其實我真係唔明 點解d人咁中意del msg話怕人介意，如果真係冇野既 怕咩msg比人睇到先？del左反而更加死無對證喎 （利申唔係幫po主 純粹好奇左好耐）

[匿名]

咁得閒check 人
不如focus 返自己度
點樣令自己變得更好🙈

[匿名]

呢啲delete message 話冇嘢嘅，最後都係出軌多，如果佢真係有心解決，傾嘅對像應該係你，同第二個傾完又點？個個人都唔同，佢既然同得人傾，又話壓力大，即係佢都接受唔到，同人傾嘅結果一係叫佢接受，一係就叫佢分手，無論邊個選擇同第三者傾都冇關係，佢跟本就有異心了，放棄啦

[匿名]

心心sticker唔係淨係因為愛而send，何況根本冇send過，錦鯉想點先💀

[匿名]

你自己可以同男性出去 佢就唔可以... 咁唔得喎🙂

[匿名]

其實如果一段關係有唔信任嘅情況岀現，宜家唔分，遲早都會分

[匿名]

我男朋友會sd比佢兄弟🤣🤣🤣

[匿名]

不如搵下自己無安全感個源頭係邊先，得你先幫到你自己改變ahh!

[匿名]

俾個❤️❤️你

[匿名]

有冇可能係你自己敏感得滯🥲
咁落去遲早逼走你男朋友