發現佢原來成日都將自拍照send比人

[匿名]

我 36，L先生36 大家都係同年，一齊咗差不多半年，大家係同事關係但不同部門，在公司大家會保持地下情關系，因為唔想影響大家工作，另外自己年紀到咗結婚階段，所以開始之前都有共識希望大家會以結婚的路一齊，加上對上一位男友係俾我發現出軌所以都唔希望佢係2.0。

他同我講話佢係認真，同想結婚生小朋友，於是我選擇相信佢，加上同佢一齊有好多話題傾，佢本身都係一個好多話題講的人，所以一齊時都好愉快，但另一方面都擔心佢會有出軌同仲未定落嚟。

講番正題，有一日我唔小心放低咗部手機係佢屋企，我話叫佢番公司先俾番我，佢怕我無手機用，主動借出佢後備電話俾我，方便佢可以搵到我，我初時話唔使喇，之後有講笑，嘜你唔怕我搵到你偷食罪證咩？佢無答我，最後都塞咗部電話俾我用，而且佢仲同我講佢相片係連住icloud，我更加好奇想了解同睇佢以前的舊照，結果我真係發現到佢經常自拍，自拍仲有記錄會知道佢發咗係邊個平台，見到佢在同我一齊之後經常發自拍照去一個平台到，雖然見唔到有異性合照，但俾我發現咗佢一年前曾經同過一個女仔一齊，仲要有多張佢主動一齊合照的相，反而同我一齊時，只係主動過映2-3張，而且佢地經歷做過的事，我地最近都有做過，好似玩水上活動的事，我都有問佢有無同前度去過，佢話無，已經係對我講大話，有一次同我食完飯後，他發咗張映住自己床照俾個個平台，我心裡覺得好難受同覺得佢好恐怖，但最近有去佢的家庭聚會，完全唔似想分手想玩玩下。

第二日我拿番部電話後，同時他即時拿番部電話，佢仲有問我有無睇到佢以前的舊照，我仲笑笑口話睇哂，仲見到好多合照，問佢點解唔del，佢話過咗去所以無唸住del, 仲講笑話仲有好多未放番入去，當時大家都當無事發生，但由我拿番部電話開始，佢講任何野我都好冷淡處理，我唸佢都感覺到，當晚大家都無再講野就瞓。

隔咗一晚，佢同我講話終於請到假陪我去主題公園，問咗2星期，佢而家先覆我，感覺佢知道我在想什麼，我好想大家話我知，我應該點樣做，我的直覺話我知就算佢無正式出軌，但精神上，文字圖片上都已經係，我知對上一次我就係發現一齊咗十年，一個求咗婚的男人，就係因為我直覺知道咗他出軌，所以結果最後我選擇離開，今次我應該選擇相信，定還是應該要問佢為什麼？我應唔應該問佢仲想唔想同我有將來？下一年就到，如果這一次都失敗，我真的沒有相心我可以搵到對我好同想同我有將來的人

[匿名]

36歲男人自拍up去社交媒體比較少見，除非明星或者好靚仔啦，你信佢唔過咪分囉，而家呢關都未過到，你就開始諗太遠嘅事情就係多慮了，真愛無分年齡，你keep 得好同埋心態ready嘅話任何年紀都可以重新開始

[匿名]

唔好直覺前直覺後啦⋯

[匿名]

想知想了解清楚就要出聲問（唔係無理取鬧嘅哭喊），唔好直覺覺得係就疑心重到擲死人
咁樣另一半會好辛苦，每個人都有自己嘅私人空間同埋過去，咁樣介意，我諗你要搵個A0白紙🥲

[匿名]

你自己唔開心在意呢件事 都可以同佢講明喇 唔使繼續猜疑 如果今次你話比佢知 有咩事你會在意會唔開心 佢以後繼續偷偷做 再分手也唔遲

[匿名]

講真 有野發生先令你有直覺念頭
而家你係怕已36歲再唔要就冇下個定點先

如果同佢結咗婚 但你都一直唔係信任同佢生活 個問題唔會完

搵個冇令你有甘既直覺既人比結錯婚好

[匿名]

其實文字上交代等唔太清楚，你會唔會出多篇文講解下？
十年感情果段係最後證實左對方出軌，還是你直覺覺得就分左？
咁呢段感情裡面，你又見到佢點樣有出軌的證據？就係網上同人傾計send相？咁其實佢send相去咩平台？係咪forum? 咁又係咩種類的出軌證據呢？你其實自己清唔楚自己諗緊咩？
36歲又經歷過一段十年感情，其實都應該好成熟咁了解到自己需要咩，點解你仲1999 咁呢？

[匿名]

不如溝通下先啦 依家你都係估估下就當左人出軌
之前分手又用「直覺」去斷定人
男方其實算好大方 唔介意比你睇比你知

[匿名]

男人講大話呃女朋友只系唔想條女唔開心 再講一年前一齊果個都散左啦 宜家都揀左你啦 同埋發自拍啫 可以系朋友交流(睇下男定女啦😌)
#你真系驚嘅咪要求佢公開囉

[匿名]

你咁驚唔適宜拍拖結婚，有時男人怕煩咪hea答你，唔一定有咩秘密，如果真係驚再睇定d先囉

[匿名]

可唔可以解釋下咩叫直覺知道佢出軌就離開？
而家呢個係send相姐，與其估估下不如直接問？咁都叫精神出軌…？
可能果個女仔唔係前度，只係曖昧關係，咁佢話無同前度去過都唔算呃你😂

[匿名]

建議樓主先處理咗自身嘅焦慮感再踏入下一段感情，否則只會不斷重覆

[匿名]

#回樓主
樓主似有重焦慮症，同未消化到以前經歷，我會希望樓主先解決左自身問題先，而唔係去諗將來/男人/結婚，自己既問題會影響到所有事情，你現在既情況係要好好了解自己需要什麼，內心缺失什麼，並不是將問題都指向他人

[匿名]

其他野唔講住 嗱嗱聲用你既直覺寫條六合彩number 比我先

[匿名]

想問咩叫「直覺知道出軌」？
到底係知道，定直覺覺得😂
定係直覺覺得，點知仲捉到咁😂好奇想知呢件事多D

上次係靠直覺，今次又直覺？人地比你睇晒所有野，都毫無保留，又直覺覺得佢唔岩？

或者，可以考慮下先處理自己無咩安全感嘅情況先～