我未享受完我嘅青春就要做人啊媽

[匿名]

大家好 想大家比比意見🙇‍♀️

本人剛剛21，男大我14歲 ，拍左2年半一直都覺得冇咩問題，佢對我好好~好錫我~好包容我 ~

直到....我有左BB，我好驚 ，身邊朋友都叫我吾好要。原因我性格太小朋友..太on9..加上我冇錢🤦🏻‍♀️ 咁我都有自知自明 ，小朋友養小朋友係一個吾理智決定，所以我都吾想要。但佢好想要，想結婚佢仲話生左吾洗我理...佢養咩都佢搞。佢仲話如果依家吾要再遲D可能冇機會..體力都可能跟吾上等等...

但我好驚，我會害左個小朋友，咩都冇生個小朋友？ 要窮養？我好驚..同埋咩都佢搞...我驚佢壓力會爆錶🤯如果我生左我真係會幸福定後悔？我到底接吾接受到佢老我好多？我仲未享受完我嘅青春...就要做人個媽！我吾知，我好驚 ，依家我淨係識得喊

好迷惘 所以想投稿 問問大家

提利:我知自己衰 一兩次冇做足安全措施 我知錯 但我依家可以點？

sorry for 1999

[匿名]

男人叫你生、話佢會養，呢啲說話真係唔好信
如果你咁細個就要湊小朋友，經濟上又完全倚賴佢嘅話，有一日佢對你唔好咁點？你係咪都要為咗小朋友默默忍受？
你自己都話自己好小朋友又無經濟能力，咁不如等你同男朋友一齊多幾年、互相了解耐啲再諗生小朋友啦

母親的抉擇 真心幫到你 🙏🏼🙏🏼🙏🏼

[匿名]

喇 建議叫距白紙黑字印埋手指印保證到時你咩都唔洗理，而你真係要到時個b點喊點鬧都唔關你事。好多男人都係tum你依家生左先，惗住你到時候會母愛爆發主動臭。如果唔係真係唔好犧牲自己

[匿名]

佢講你就信？生仔前唔該女人都賺到錢有能力自己一個養，當你一味依賴男人養家個陣，你就好難再走得甩。你自己都話腦筍未生齊又無錢，點做一個好媽媽？你點保證個男人會唔會變心離開你甚至家暴你？ 顧好自己再諗個BB啦

[匿名]

若然佢有經濟能力可以養得起小朋友、你原本又有心嫁比佢，疊埋心水結婚生仔都冇咩問題。
·
如果你由始至終都冇打算同佢結婚、覺得自己未玩夠，就唔好猶豫、即刻去墮胎，因為越遲做手術對身體傷害越大。
———————————————
但你要有心理準備，如果真係決定唔要呢個bb，你地好大可能會分手。
·
同年齡比自己大好多既人一齊肯定有好處，但同時亦有壞處；你唔能夠享受種種優點之後，唔肯面對缺點。
·
人總要長大，你唔會永遠21歲。
喊只係宣洩情緒既方式，喊完就要唸辦法解決問題。

[匿名]

媽媽未ready真係會好大鑊….

[匿名]

生仔唔該考返個牌先，多謝

[匿名]

真心你冇能力嘅就唔好生出來
呢個男人第時唔要你咁你點算？
或者難聽啲講佢自己出咗啲咩意外咁點算？

[匿名]

千奇唔好相信男人講嘅咩到時我搞得啦你唔洗理，除非你男朋友好有錢，有錢可以請人湊，如果唔係到時你都係要自己照顧返，嗰時你要放棄好多野又有個小朋友，咩後路都無晒

[匿名]

唸青春呀女，你先21歲，以後的世界大定細全睇你點揀！
生唔生係由你決定，因為得你先有權力去選擇，但如果最後你選擇生，你就要有負責到底Ge心理準備（如果你最後決定賦予呢個BB黎到世間Ge決定，咁你完全唔可以依賴個男人，難聽講句，如果個男人唔負責，你都要負責到底，呢個就係你選擇生Ge責任）！！

[匿名]

建議你去家計會搵輔導傾，咁大件事一條生命，上網問人等人幫你做決定？呢度啲人難聽啲講，生又唔使佢哋養，落又唔使佢哋傷心傷身。21歲唔細，係時候做返個負責任嘅成年人。

[匿名]

經濟能力如何先🥹
咁都要結婚先生仔
禮金呢🥹樓呢🥹
唔係拜金🔥係現實

[匿名]

男方家境如何先？ 有無人幫手照顧？ 係咪同你結婚負責？ 唔係就唔好信一句「要」🌝🌝 我見過後生一句話要，轉頭個男嘅出去揾過個 女仔要負晒責任

[匿名]

係呢度生 同 唔生，你都一樣係被人屌嫁啦
不過生左就連個仔都屌埋你，自己諗

[匿名]

冇人一出世就識做人阿媽,全世界都係摸住石頭過河,包括你阿媽阿嫲。襯仲有九個月,好好做好心理調整,最緊要兩個人都真係想要就得,其他人未生過嘅當鳩up就得

[匿名]

咁點解唔戴套 唔戴套之後中又唔要就已經係一樣唔負責嘅事 奉勸怕有就唔好搞 大把人想有小朋友都難 好好珍惜生命