一齊左就來10年，結婚既事一推再推

[匿名]

我哋一齊左9年，就嚟踏入第10年。

本身我哋講好左大家一到18歲一齊5年就結婚，但係中學畢業之後佢想繼續讀書就唔想咁早結。之後大家都傾好左不如等佢大學畢業就結婚，個時佢都答應左。

我都知道女仔係需要儀式感，所以前年就同左佢求婚，佢都said yes。求婚後我都有同佢提過畢業就同佢註冊結婚，佢當時都話ok。

到左上年佢畢業，佢突然之間話唔想咁早結婚，想事業穩定啲先再結。個時我同佢鬧左場大交，但事後我哋都有坐低好好咁傾過。佢覺得係呢一刻我哋未有經濟能力負擔租屋問題，唔想突然失業就分居；另外，佢屋企人一直都唔鍾意我，佢想我做啲成績俾佢屋企人睇，改善左關係先結婚，佢一直夾係我同佢屋企人中間好辛苦。

如果係金錢上嘅關係，我都有同佢講結婚之後我哋可以一齊努力，我都有同佢保證一定會俾個安居之所佢，唔會有一日冇屋住。同佢屋企人嘅關係方面，我明白佢哋唔鍾意我嘅原因係窮俾唔到幸福佢，但係我哋一齊左咁多年，一直都對女朋友好好，特別日子都會買禮物孝敬佢屋企人，點解就係唔認可…

我知道佢出面都冇第二個，我哋日日都會見面，我哋亦都有講唔完嘅話題，我哋之間都冇任何秘密，雙方都有見面曬家長同朋友。我哋都係愛大家，相處都好舒服，但係我哋就係發展唔到下一個階段，對結婚嘅事一推再推。究竟我係唔係逼得佢太緊？定係結婚對於佢嚟講並唔重要？

到左上年佢畢業，佢突然之間話唔想咁早結婚，想事業穩定啲先再結。個時我同佢鬧左場大交，但事後我哋都有坐低好好咁傾過。佢覺得係呢一刻我哋未有經濟能力負擔租屋問題，唔想突然失業就分居；另外，佢屋企人一直都唔鍾意我，佢想我做啲成績俾佢屋企人睇，改善左關係先結婚，佢一直夾係我同佢屋企人中間好辛苦。

如果係金錢上嘅關係，我都有同佢講結婚之後我哋可以一齊努力，我都有同佢保證一定會俾個安居之所佢，唔會有一日冇屋住。同佢屋企人嘅關係方面，我明白佢哋唔鍾意我嘅原因係窮俾唔到幸福佢，但係我哋一齊左咁多年，一直都對女朋友好好，特別日子都會買禮物孝敬佢屋企人，點解就係唔認可…

我知道佢出面都冇第二個，我哋日日都會見面，我哋亦都有講唔完嘅話題，我哋之間都冇任何秘密，雙方都有見面曬家長同朋友。我哋都係愛大家，相處都好舒服，但係我哋就係發展唔到下一個階段，對結婚嘅事一推再推。究竟我係唔係逼得佢太緊？定係結婚對於佢嚟講並唔重要？

[匿名]

比個安居之所佢? how? 有無具體計劃? 有嘅話有冇同佢share?

[匿名]

好簡單，佢都話咗大家都冇經濟能力，有定冇唔係口講，唔通真係結完婚都分居。

[匿名]

冇計錯的話你地係13歲一齊，咁10年之後既今日雙方都係得23歲左右。
每個人係唔同階段既閱歷同思想都會因為周圍既環境而改變，所以你女朋友由一開始戀愛大過天到依家會考慮到現實問題都好正常。

你女朋友之所以唔肯即刻結婚，係因為佢見到你既思想仲停留係10年前。

婚姻應該係兩個成熟既人結合。
佢即將蛻變為女人，而你仲未有趨勢成長為一個男人。
——————————————————
一個男仔咁長情都算少見，相信你真係非常中意女朋友，但你呢份感情暫時未有資格稱為愛。

真正既愛係多方面為對方著想，包括經濟上同心理上。
你經濟上未穩定（係穩定唔係要搵好多錢）就急於談婚論嫁，只會令女朋友既父母更加反對、令女朋友不安，呢個係自私既唸法。

一個真正成熟可靠既男人，係會為愛人默默拼搏事業，然後自信地同女方父母講：「你地可以放心將個囡交比我」。

兩個人一齊成長、一齊前進，先可以走到未來。
如果你原地踏步，好自然兩個人距離就會越黎越遠、最終走散。

如果你已經認定左呢個人，請你用實際行動證明你既決心。

[匿名]

其實女方都講左個問題出來，要說服對方唔係一味嘈。樓主應該計條數出來證明有能力結婚，自己做出成績出來讓未來外家覺得你有成長。人家通晒水有得作弊都唔去做，成個小朋友嘈嘈閉。所謂既能力，唔係開空頭支票畫個大餅就當係事實，實實在在用行動證明自己能力啦小朋友……

[匿名]

其實女方都講左個問題出來，要說服對方唔係一味嘈。樓主應該計條數出來證明有能力結婚，自己做出成績出來讓未來外家覺得你有成長。人家通晒水有得作弊都唔去做，成個小朋友嘈嘈閉。所謂既能力，唔係開空頭支票畫個大餅就當係事實，實實在在用行動證明自己能力啦小朋友……

[匿名]

身為旁觀者欣賞你嘅長情😢
但係你要諗喎你女朋友俾咗10年青春你，
當人哋屋企人睇你唔起嘅時候，你越要努力
因為你女朋友投資左10年嘅青春喺你身上換你成長，
結婚樣樣都係要錢，
住屋係一個問題，
生活開支水電煤食飯都係好大嘅問題，
口頭承諾個個都識講，
但係目前嘅你需要用行動證明俾你女朋友睇，
你係有能力照顧到你女朋友嘅時候，
佢屋企人會放心交個女俾你，
我覺得愛一個人，除咗愛對方，
仲要尊重對方屋企人，愛屋及烏，
咁先係稱得上愛啊🥹
人哋阿爸阿媽好唔容易先養到咁大個女
仲要啱啱讀完大學出嚟🥹
人一出世除咗有人有父幹屋企有錢之外，
貧與窮都係要靠自己，
自己唔努力同埋個心態唔積極向上🥹
一直埋怨只會令自己更加無能🙈
加油🔥希望你心態放好🔥改變自己上進

[匿名]

佢都講到明要有經濟能力囉
講極都聽唔入耳嘅你
你努力增值自己返工搵錢比穩定生活條女
好過喺度投稿

[匿名]

你家吓仲係咁諗就証明你好唔成熟啦，我係女都唔會嫁俾你，最基本一個男人要負嘅責任都冇，吓吓就諗住自己理想係點，有冇諗過現實？你有冇聽過乜嘢叫貧賤夫妻百事哀？條女唔嫁俾你係正確

[匿名]

唔知我有冇估錯
等佢大學畢業
姐係你冇大學畢業啦 唔係話冇大學就收皮
但係佢讀大學呢幾年你做左d咩黎
4，5年人地屋企都睇唔出你有咩進步
仲話結左婚之後會一齊努力？

[匿名]

不如咁，你仲咁細，你考慮下你都讀返下書或者進修下，先再諗結婚？由佢決定繼續讀書嘅果刻開始，你地嘅視野已經唔一樣，唔敢講話讀書一定叻啲，但睇到嘅嘢肯定同你唔同。點解佢唔想結婚住，我相信你再進修下自己，你都會理解到個答案。

阿仔⋯世界仲好大，你仲有好多世界，與其你固步自封坐係度諗點解佢唔結婚，咁點解你又唔邁開腳步跟佢走一轉，睇下個世界點解同你想像嘅唔一樣？

我唔知佢屋企人係咪真係嫌你窮，如果我係佢家人，我係唔介意你窮，但我會介意我個女同一個井底之蛙結婚，然後跟佢住井底，浪費咗佢一對羽翼。

我欣賞你長情又專一嘅，但既然你地感情咁穩定，又何必咁執著呢件事？

[匿名]

明白你好著緊依段關係，但你女朋友想你先解決經濟同佢家人依兩個問題，依個時候你好難再繼續堅持先結婚先後解決，否則只會keep住嘈交
你女朋友當初應承你係讀緊書嘅時候，可能佢個陣對你地未來充滿各種憧憬同幻想，無諗太多現實問題就應承你。但當佢就嚟畢業，準備出嚟社會打拼，好自然啲諗法同所承受嘅壓力會唔同咗。佢要顧慮嘅嘢多咗，唔似以前讀書個陣咁童真咁無憂無慮
依家嘅你唔好猜度太多，好好做自己，好好愛你女朋友。只要佢一日愛你，只要俾佢見到你努力緊解決依兩個問題，可能就算未成功解決，但佢都會照嫁俾你先呢

[匿名]

其實女方好成熟，唔會因為愛情大過天而急住想結婚，喺香港呢個咁金錢主義嘅社會裏面現實啲都好正常。你哋大家得個23歲根本完全唔使急結婚。佢希望你可以有穩定嘅經濟買到樓俾佢先結婚其實都係人之常情，相反會唔會係你俾唔到穩定嘅感覺佢？你應該真係列條數俾佢睇，你可以提供到幾多野比佢，係咪真係買到樓，如果唔係得個講字，係女人都唔會嫁俾你啦…

[匿名]

其實點解要咁急住結婚？你哋兩個其實都淨係二字出頭🤨。想結婚係因為想安心啲？你所謂嘅下一個階段係諗住點？其實結完婚之後，可能都唔會有所謂嘅「下一個階段」，純粹係簽咗紙，係法律上嘅夫妻，而承諾呢樣嘢就算冇結婚都可以有

[匿名]

一齊得耐一定要結婚？冇錢點結婚？生bb邊個養？？？

[匿名]

你所謂俾佢的保證同承諾都係得把口講，經濟基礎唔係間中買下禮就叫做ok 貧賤夫妻百事哀 無錢結咗婚仲多拗撬
有無聽過 actions speak louder than words 你真係做到d成績出來，有經濟能力，到時佢嫁都嫁唔切啦，眼光唔好咁淺窄淨係諗結婚，再係一事無成就結婚變分手了