連我媽對我好，佢都要唔開心😫

[匿名]

我今年19，佢17。

佢之前比ex hurt過，所以一路以黎佢都同我講佢好無安全感，而我同佢一齊之後都盡曬我所有去比夠安全感佢，但我越對佢好，佢就好似越黎越變本加厲咁。其實佢平時已經成日無啦啦有嘢唔開心，幾乎每一日都要我氹佢，搞到我覺得勁辛苦，覺得好似做幾多佢都仲唔滿意咁，都算，但佢有啲事真係令我開始覺得佢係恐怖情人……

首先想講咗件我覺得最荒謬嘅事先。正常黎講，如果自己另一半嘅屋企人對佢好，都應該會鄧佢開心，但係我嗰個就唔一樣😅佢係會唔開心，仲要介意。其實同性異性都好，總之任何人同我close少少佢都好介意。近排我阿媽知我身體唔太好，就買咗啲嘢俾我補，咁我好開心感動同我女朋友講，點知佢即刻唔開心，仲要比晦氣說話我聽。佢覺得如果呢個世界上除咗佢之外，有任何一個人對我好嘅話，佢就會好大敵意。聽到之後我真心呆撚咗，心諗點解要唔開心，阿媽對我好都要介意😅其實都唔止阿媽，甚至連我其他屋企人同我close對我好，佢都介意。

講完最荒謬嘅就講下其他都好荒謬嘅🥲

近排有次我放學之後佢突然打過黎，問點解我無打電話比佢，係咁喺到問我放咗學幾耐行到去邊，果一刻我真心覺得似俾人監視緊咁🥲然後佢又係咁唔開心，又要氹。

仲有其實我地大家依家都仲係學生，無經濟來源同經濟能力。但佢好多嘢都要我買比佢，買少咗佢又唔開心。

同埋其實佢好多嘢都好雙標，佢可以做我唔可以。有時其實feel到好似佢care嘅只有自己嘅感受，淨係care佢自己夠唔夠安全感。例如有時我唔舒服同佢講，佢care嘅係點解我咁耐都無搵佢，關心都係幾句。相反如果我係咁，佢又唔知要唔開心幾耐。

佢之前話要入我ig acc，咁我都比佢入嘅。但之後發現佢會睇曬我ig每個同我有傾計嘅人嘅對話。我覺得我光明正大冇嘢收埋冇乜嘢唔睇得，但係我都希望有返自己嘅少少私人空間，唔係廿四小時都要俾人監視住。其實我自問冇呃過佢一次，唔明點解佢要咁樣，已經唔知佢對我呢啲係控制定係愛，但係我自己又未捨得放手，仲係好想對佢好。我究竟可以點做？求各位大大打救🥲🙏🏻

[匿名]

對佢差就話姐，吖媽對個仔好唔係正常咩。😂

[匿名]

其實都明白比人hurt過係會好影響一個人 但係嗰個唔係佢為所欲為既藉口 亦都唔係佢唔理人感受既理由 咁樣對現任好唔公平 唔係人人都好似佢ex咁

[匿名]

有冇諗過就係佢本身性格有問題，上一個先會離佢而去？佢唔改變唔知自己問題，一直搵一個人嚟填佢個心靈黑洞可以填到幾時？不過人格健全嘅人往往都會俾有人格缺陷嘅人吸引住放唔到手🤣你覺得佢可憐想保護佢，不過你係唔會滿足到佢..亦唔需要去滿足，搞到自己都變成有問題嘅人，你好好地搵個正常嘅拍下拖互相珍惜唔得嘅？🤣

[匿名]

你自己都答左自己啦😂唔會放手、想對佢好丫嘛，自己選擇咪自己承受，條數係咁計。
你想有私隱，但又要比個ig ac 佢，你清楚自己做緊咩嗎？
其實情緒勒索果一方如果得唔到回應，就自然知威脅人係唔可行，如果一直威脅陣一直有回應，係人都捨難取易啦，你咁容易屈服，唔威脅你威脅邊個？ 你都有份認同佢的脾性，助長佢去用各種方法去情緒勒索返你自己⋯

[匿名]

只係愛自己.. 我唔知佢愛唔愛你😅
分手啦，你都要對自己好啲

[匿名]

你講咗咁多之後 都「唔知道」係控制定係愛 又「未捨得」放手 你未敢承認同接受真相 未敢正視你哋嘅關係嘅話 冇嘢可以做到 🥲

[匿名]

佢根本係控制狂，唔適合拖住，你對佢愈好，佢只會變本加厲，同佢傾都唔會有用，

[匿名]

分手啦！佢唔啱你

[匿名]

你條女 自己鬧醒佢啦
如果想改變、繼續一齊嘅話
。
「佢唔改 你唔就 」咪分手

[匿名]

小朋友，唔好妄想可以滿足到佢，永遠只有Ask for more，如果想繼續，你要有放棄全世界嘅準備

[匿名]

你唔分手真正嘅原因係咪怕佢上門斬你全家？🥶

[匿名]

所有感情問題 一律建議分手

[匿名]

其實你自己都好清楚呢啲係控制唔係愛，佢唔愛你你都要愛你自己。未捨得放手咁咪到你比人hurt多陣先囉 hurt夠自然會放手😂

[匿名]

佢有病要睇醫生，真心，佢自己情緒都處理唔到，一齊落去最辛苦只會係樓主你🥺