佢間屋連沖涼浴缸都係爛！

[匿名]

同男友拍咗6年，男30，我28。想結婚，但完全睇唔到將來。佢父母離婚後，爸爸幾年前係大陸識咗個後生女人，結咗婚亦生咗個小朋友啱啱讀k1。不幸地爸爸2年前過咗身，個新老婆就話唔住大陸，一下話要搬入去原先我男友住30年的私樓(要逼走我男友)，一下又話賣咗佢(層樓我男友一出世就住到而家，親生媽咪搬走後，佢爸爸有時會返嚟，但個新老婆從來冇住過)。

而佢爸爸走得太急冇立遺囑，所以層樓個新老婆有得分，但我男友堅持唔賣，佢話寧願俾返錢個新老婆，都要返層樓，但講緊條數係400萬。

而家層樓丟空咗冇人住，男友有時會返去上香俾佢老豆，但就唔肯郁間屋入邊任何一樣嘢，佢媽咪又唔肯住返入去，嫌太舊，寧願住返自己層細樓，而我男友同我屋企人一齊住緊。

到咗我呢個歲數，開始想買樓結婚。先發覺原來我同身邊朋友嘅情況更煩。男友話要等法官判後，俾錢個新老婆攞返層樓，到時再叫佢媽咪搬入去住，再同銀行做按揭，先到我哋買樓。

點解我都唔肯住？因為間屋真係老過我同屋企人住嗰間，層樓擺滿好多佢老豆生前放的神像、衣物生活用品，連沖涼房浴缸都係爛。以為過咗呢2年後佢會諗通，肯執吓嘢令到間屋至少住得人，但到今時今日依然原地踏步。究竟我幾時先可以見到將來？

[匿名]

你買層新樓咪見到將來

[匿名]

想問樓主又做過乜？成日等個男人俾將來自己

[匿名]

講到尾，你咪又係貪人哋層樓！

佢其實冇錯架喎，依家仲要上庭，咁梗係要留返啲錢for呢件事，而且冇裝修先好，價值更加低，如果真係要同後母買，都可以用平d價錢(正常嘅買賣情況下)

不如你諗下你自己做左d咩，對2個人嘅將來付出過d咩先啦，at least 人哋都有1/3 層樓，冇義務要寫你個名架！咁想有樓就自己買啦！再唔係就揾daddy 啦on 9

[匿名]

其實係咁嘅情形嚟講, 你男朋友糾結於一幢舊嘅樓其實係為咗啲咩呢！？有冇好認真咁樣同佢探討一下, 了解下當中原因呢？了解咗之後個問題會容易解決好多的, 妳不妨試下啦！

[匿名]

不如諗下有咩你做得到，而唔係抱怨？

[匿名]

與其打人哋層樓主意 你自己又唔諗吓買樓 人哋層樓關你撚事😌

[匿名]

無份嘅人往往講得最大聲

[匿名]

你段字8成講緊層樓歸邊個，2成講緊自己嫌層樓舊，同你見唔見到段關係嘅將來有咩關係？

[匿名]

拿，人地老豆如果未死，你又會點？ 逼人賣樓？ ！ 你28不如諗下自已買樓好過等人層樓啦😂

[匿名]

要叫條撚樣上遊魂野仔睇睇亡母勸不孝女個故😂😂😂

佢老母死咗10 幾年，個女因為自己當年將老母放入老人院覺得不孝，每年初一十五將所有叉燒飯塞晒落個雪櫃到10幾年嚟個雪櫃唔肯清發臭

最咪逼到佢老母，搵師傅同佢講叫佢放低😂😂😂 叫佢將個垃圾啲叉燒飯揼撚晒佢

有時候根本冇人怪你，父母根本唔會怨你。係你自己自私自利，父母未走嗰陣又唔對佢好， 父母走左就良心責備自己，以為用一個悔疚嘅心過活就叫做贖罪😂咁樣係自我中心忽視晒所有身邊嘅人

你以為咁樣做，你就會好過啲？錯啦
有啲嘢，生前冇撚做嘅， 喺父母死後對自己嘅仔女做返好啲咁樣先叫向前望。 咁樣自我中心地感到抱歉😂自己父母睇到都會覺得好撚戇鳩

[匿名]

你貪去人地屋企沖涼啊😂關你鬼事咩

[匿名]

會唔會執好咗到時個女人唔肯賣，要一齊住

[匿名]

原來你即將來係層樓唔係個人😂😂😂

[匿名]

仲停留喺有錢買樓先可以結婚嘅思想上

[匿名]

唔係冇將來，依家係唔關自己嘅事你仍然執著未諗通，有冇諗過男朋友感受？反而成日講層樓，佢已經要面對爸爸突然離開，都未䆁懷就要等上庭又要同後母分配遺產，心理準備都冇，你男朋友煩惱緊，做女朋友仲攞件事同朋友比較邊個情況煩啲，抱怨咁耐不如諗下點幫對方仲好啦，層樓又唔係你男朋友，搞清楚係佢爸爸㗎，何況你只係外人，未結婚就諗定點住人層樓😑