佢要我係打機同佢之間揀一個

[匿名]

講下我同男朋友背景先, 時到而家拍左差唔多7年拖, 起初係係ive識, 之後讀topup都係同一間, topup畢業之後去左打兩年工, 到之後冇做野, 兩個人都去左台灣讀書, 佢比我早一年去台灣, 所以都叫做long d過

岩岩一齊頭幾年相處都幾好, 同佢平時似係朋友咁相處, 雖然間唔中有比佢話過來我女仔d, 痴身d, 但都冇點嘈過大交, 但到左而家差唔多每星期都會嘈一次, 次次都係話我掛住打FF14唔理佢

而家係台灣讀書都算係異地? 因為我同佢讀書戈到都相差幾遠, 一般黎講每星期五我都會放學之後搭兩個鐘車去佢戈邊過夜, 然後視乎功課多唔多, 我再睇下星期六晚定星期日晚先番去自己戈到

自問覺得咁樣既相處時間十分足夠, 平時星期一至四都會開住個discord一齊傾計, 當然事實唔會真係有咁多野傾, 屬於大家放係到掛機, 有野想講先講咁樣

自己一直唔覺得咁樣有咩問題...話哂個個星期都有兩日都係對住佢, 完全冇得做自己野咁。但係呢排, 呢幾個月佢經常話自己忍左3年(即係由我入坑戈年開始), 話我平日打太多機唔理佢, 要到佢發脾氣先會熄game采佢, 但係我角度就係, 明明我每星期都有兩日會去你到訓, 平日做下自己想做既野其實都好正常

直到呢幾日佢話我地之間再係咁落去有一日佢一定會頂唔順要分手, 話想我係FF14同佢之間簡一個, 但我唔想咁樣, 兩個對我黎講都好重要 真心

問佢有冇第二個方案, 佢就會一日最多比我打兩個鐘, 但真心兩個鐘真係太少, 先唔講打零式開隊等人入要時間, 打daily既時間都唔夠...

我接受到一段時間係咁樣, 但要我成世人都係咁真係冇可能, 我唔想每次開game都要計住時間, 咁樣打機法真係冇意思, 但同時我又唔想佢唔開心。。。真係唔知應該點做好

我相信可能好多人睇完都會覺得好on9, 覺得我唔值, 會諗有咩可能係隻game重要到要為左咁而同佢嘈, 但呢個真係我呢幾年黎唯一一個興趣, 我冇辦法放棄呢件事...!

[匿名]

打機同男朋友都好重要，即係條仔其實唔多重要，放過條仔😂

[匿名]

係咪男女調轉咗？

[匿名]

一齊玩咪得😂不過我雖然都日打夜打機，但至少我知道男朋友先係最重要🫠竟然講得出FF14同男朋友一樣重要係咩玩法😢

[匿名]

當你有一日唔再玩呢隻Game，你就會覺得自己當初好on9

[匿名]

男人有幾十億個，ff14得一個，用腦諗都知揀邊個啦

[匿名]

大家價值觀唔一樣。你男友比較需要同你嘅quality Time, 唔係浮係你個人係度，要諗下如果淨係對住打緊機嘅你傾計其實真係對空氣傾計都幾難受，咁嘅話你個人喺唔喺度都冇分別

另一方面又真係睇得出呢個game 對你黎講好緊要，試下同佢傾下佢心目中最想同你做啲咩，如果你心入面仲好鍾意佢暫時放低打機2星期同佢做想做既野，再同佢講個遊戲對你既重要性。你嗲下佢撒嬌下個男仔會受。

當然你發現其實都唔係咁鍾意男友以上嘅野就唔駛做了。
兩個人都冇絕對啱錯，只係價值觀唔同

[匿名]

將FF14比喻成興趣姐….講真FF14對某d人黎講真係好重要 喺入面你有第二個社交圈子 長時間積累既心血 你話為左一個人要放棄對自己好重要既嘢 其實好難抉擇 如果諒解唔到彼此既諗法 咁不如分手 對彼此都好🤷🏻‍♂️

[匿名]

限時玩的確唔多爽😢 同埋如果係FF14嘅話又可以理解po主🤣
一係分多一兩日full day比條仔陪下佢囉
但女仔打機要me time真心冇問題 喂唔係個個平時都得愛情架 叫分手唔好害人嗰啲咩事 拍拖都打得機掛你地唔打姐🤷‍♀️

[匿名]

你地都冇挽過ff14⋯⋯唔係普通game黎嫁⋯

[匿名]

其實唔係打機嘅問題，都唔係long d嘅問題，係你哋相處嘅質量問題。仲有另一個問題，次次都係你搭2個鐘頭車搵佢，你一星期嘅時本身就少佢4個鐘，佢太多時間太得閑，咪成日胡思亂想。

[匿名]

其實某程度要對方為咗自己放棄興趣（非傷天害理作奸犯科）都不是真愛。。。

[匿名]

平時已經有開discord傾計，又點算得上唔理佢？你都識講仲要係掛喺到有野講先講，姐係冇野講啦，咁俾你唔打機陪佢又有咩可以做呢請問？

[匿名]

咁你繼續打FF14唔好害人

[匿名]

其實一齊玩仲開心，叫埋你男朋友玩game

[匿名]

你同佢重視嘅嘢都有幾大出入
唔係話拍拖就唔可以打機，而係你嘅生活既然係同佢一齊過，咁你就要同佢傾一個大家都滿意的嘅相處方式
拍拖嗰陣有啲嘢係要犧牲下，除非你單身自己一個就話唔洗顧對方嘅感受