平時send比我啲sticker佢都有send比個女仔

[匿名]

🥺我真係好受挫…同時都好想透過我嘅故事 警醒其他人要小心。

最近經朋友介紹之下開始用交友App，咁就識左一個男仔啦。我地傾左1個月左右就約左出嚟見面，咁果日都相處得幾好嘅。然後好快再約下次。到第三次出街佢已經主動拖我，而平時傾計佢又會話掛住我呀/好想見面果啲說話，之後見面都會拖同攬，都會有Goodbye kiss。在我角度，我好自然咁覺得雙方都默認左呢段關係，大家就係男女朋友。

咁好啦，我地講好左2425會約出嚟一齊見面慶祝聖誕節。咁我就以為今年終於有人陪，啲大時大節唔洗再自己一個人。我仲滿心期待，點知原來係惡夢嘅開始⋯⋯

平安夜果日我地約好左一齊出去行下，咁搭車果陣佢提起話我地一早講好左今年會出去一齊倒數，不如順便Staycation 啦 ，又可以見耐啲。因為我地住嘅地方唔同路，平時去完街都係各自各回家，成日都好唔捨得對方。

正當我地用緊佢手機睇緊酒店之制，我見到有個女仔名彈左出嚟 send msg 比佢。我問佢邊個黎 佢即刻扮冷靜話係朋友黎。但直覺話我聽一定唔係咁簡單，然後我叫佢開黎比我睇，大概見到佢地每日都傾得好密。而最恐怖嘅係，我見到個女仔有send 啲心心比佢，而個男仔都有話”掛住佢 想攬”果啲曖昧說話。而呢個男仔平時send 比我果啲sticker/講嘅說話同send 比果個女仔果啲都係一樣。果刻我真係好崩潰…覺得呢個人好恐怖。

我地落左車搵左個地方傾，我同佢講 我可以係一個好理性嘅人，雖然件事佢點都有錯，但我唔會鬧佢，只希望佢可以坦白同我講清楚。我寧願早啲知道事實真相，總好過一齊耐左之後先發現我比人呃左咁耐。

咁佢就話呢個女仔都係app 到識，見過幾次咁，大家都係每日傾下計就無啦。我問佢 點解你同左我一齊都仲要同佢傾計，仲要咁曖昧。佢就老作話見我地未正式一齊，所以無同佢講清楚 然後一刪1000字都係啲無謂解釋。

其實佢比我捉到正 佢都無得再兜。我叫佢 如果你真係想同我拍拖嘅，你依家就同佢講清楚話你今日約左我，亦都同左我一齊。佢就又帶我遊花園話唔想太突然，想有啲鋪排😑
仲講到懶好聽話倒數果日之前會搞好哂同佢嘅野，會同佢講清楚。之後佢又係咁用啲花言巧語去哄我，又話對我專一 淨係鍾意我一個果啲bullsh*t說話。然後蠢蠢的me 又心軟真係選擇再去相信佢，覺得佢真係會31前講清楚。

我哋之後又無事咁正常行街。食完飯之後佢就話想散下步，跟著又成日借啲意抽水。佢仲話好唔捨得我 唔想同我分開，不如搵間酒店陪佢一晚啦。 我就好堅決sayno！然後佢仲陪我搭車送我返屋企，但過程佢一路都係咁話唔捨得我 成晚都忍得好辛苦。

之後我問佢其實一直以來對我係咪都唔係認真，只係覺得我太易信人，想呃我蝦條。咁佢緊係解釋話唔係啦。然後去到屋企樓下，攬左一陣 佢仲話今日好開心有我陪佢果啲說話，仲話咁我地聽日再見啦。天真的我 果刻仲信到十足十。

點知xmas 正日，我一早收到佢個msg,佢話我琴日迫佢揀我定果個女仔，佢諗左成晚覺得自己更唔捨得果個女仔，然後話今日陪唔到我一齊過聖誕lu~呢一刻 我驚訝到喊唔出，對於呢個男仔覺得好意外，無諗過佢講大話咁叻。琴晚先哄我話淨係想同我拍拖，仲叫我去staycation 。點知轉個頭就話唔捨得另一個女仔。原來我一直都比人玩緊，我一直都係佢嘅後備，我係用黎比佢攝時間。

依家呢一刻我嘅感覺就係覺得呢個人真係好恐怖，因為我完全唔知佢究竟仲同幾多女仔一齊/曖昧緊。仲要我最鍾意嘅節日發生呢件事，我真係好傷心。希望大家鬧我蠢之餘都可以比返少少安慰我🥺我都知成件事我真係好on 9，係我蠢。其實平安夜果日發現佢同個女仔曖昧，我應該就要斬攬。我好嬲自己咁蠢一次又一次咁信佢，仲搞到自己遍體鱗傷。。。

Sorry for1999,但好多謝睇到落尾的你地每一位。我想分享呢個經歷比大家知 唔係搏同情，只係好希望大家可以帶眼識人，唔好學我咁蠢。同一時間，我都希望果個男仔真係可以認真對待果個女仔…而唔係又暗地裏漁翁撒網。（如果你睇到的話 請自己對號入座）

[匿名]

下次拍拖都係正式咁確認男女朋友關係會好啲(eg 表白, 開口問依家係咩關係)，唔好靠默認，又或者你以為係男女朋友就係

[匿名]

甩身甩得快，恭喜你❤️👍👍
我覺得係因為你呢邊斷正左，要兜要解釋好難，繼續落去都有難度；
加埋冇得staycation;
而果邊未斷正，繼續呃落去易啲，所以佢都有佢理性一面，充滿左計算，同埋係有心呃嘅⋯⋯🤦‍♂️🤦‍♂️🤦‍♂️

[匿名]

未一齊但staycation 一下先 🗿

[匿名]

算醒目嫁啦 加油 下個會好的
女仔一定要先保護好自己 保持理智

[匿名]

好彩咋你，其實有冇諗過24號晚你返咗屋企，但個條女應約搞咗，所以第二日先咁同你講？
不過好彩時間短，真係一齊得耐先俾你發現你都傷得幾金下🤦🏾‍♀️

[匿名]

另外個女仔可能已經俾人tum咗去staycation 先唔理你(。•ˇˍˇ•。)

[匿名]

最後有好好say no冇陪佢一晚，你已經好叻，唔係傻得哂，下次要小心識人同埋講清楚係咪真係拍拖定只係曖昧

[匿名]

好同情你嘅遭遇😢
依個男仔好恐怖，身邊應該不乏依啲網友，佢嘅目的不外乎想享受曖昧嘅同時又可以食女
好彩嘅係你最後可以決絕離開佢，做出依個決定唔容易，但你頭腦可以保持清醒，知道對方唔係咩好人，好叻🙌🏻
其實佢同你講更唔捨得另一個女仔嘅原因，有可能係個女仔肯滿足佢嘅要求而你唔肯，所以經過佢嘅「精心計算」後決定放棄你
你千其唔好覺得自己係後備，可能另一個女仔先係後備呢
希望依個經驗可以令你以後都更帶眼識人，唔會被愛情蒙蔽雙眼
往後嘅日子加油啊🤗

[匿名]

交友app識，更加唔好咁快畀佢 知道你住址, 送你返屋企, 咁快staycation......好彩你冇去。

[匿名]

咁你都醒目冇同佢去酒店，去完先發現佢玩野仲傷心😂 下一個會更好嘅

[匿名]

善良本身係好難得，但過度既善良就係懦弱。
日後唔好將你既善良浪費係立心不良既人身上；應該留返比同樣善良既人，佢地先值得被溫柔以待。

唔係話交友app冇真愛，但一定要有心理準備保護好自己。
你心底有呢個意識，呢一點非常好。

每個女仔對愛情都有憧憬，都想有個人陪、錫自己。
但你要明白，愛情係錦上添花，唔係雪中送碳。

「遇到愛情我會努力經營，但未遇到愛情我自己都可以過得好好」呢個態度先啱。
節日可以同屋企人、朋友過，一樣可以好開心。

你唔係唔捨得呢個渣男，只係心疼果個一心信佢既自己。

可能正正係因為你善良，所以上天都保護緊你，令你遠離壞人。
真正可憐既係佢仲呃緊既果班不知情既女仔。

出面既世界好大，仲有好多好男仔。
唔需要為左一個渣男對愛情失望，經歷過反面教材先會學識分辨咩人值得信任。

加油。

[匿名]

唔係丫，開心事黎！你聰明咁識破左佢，又無俾佢呃到蝦條，好好彩！👍佢緊係會捨難取易啦，嗰個女仔未知佢係pk丫嘛

[匿名]

交友App 識到真心，唔係玩家，同香港要清0一樣wo ，知道自己做緊咩？小心D啦！

[匿名]

一切太快嘅感情都如無根之水，黎得有幾快，走嗰時就有幾快