如果我地都變返單身，我一定會追你

[匿名]

其實到唔係咩好大起大落嘅愛情故事…
我只係想舒發一下我嘅情緒，同埋我可能只係我自己單方面嘅感覺啦。
講返個故事先….
我已結婚！同太太感情一般啦，又唔係話好好又唔係差咁 ，當然～間中都會有鬧下交啦⋯

大約四年前，係公司因工作關係認識咗一個同事兼朋友。 係依四年間 大家成日到有傾有講 電話呀whatapp 到會有，講下工事，同生活上嘅嘢，間中到有出黎食下飯咁啦。因為佢一個人住嘅關係，我都會比較關心下佢。老實講 我係承認對佢係有好感，因為始終大家朋友關係傾偈 到會打開心窗啲 … 我有時買嘢到會買埋佢個份！仲試過大家交換禮物….期間仲試過嬲咗我無同我講嘢幾個月…..但最後無事….睇到咁你都會問我會唔會選擇出軌？！我一諗到依個問題，我就諗～我又唔係靚仔…我又俾唔到啲咩野幸福人地，但同時我又唔會放棄我老婆 ，咁我係唔係會累咗人哋嘅幸福…… 呢 拿我講咗，我單方便咁諗咋 人哋可能真係毫無意思架！

但初初試過俾老婆發現咗 依個人嘅存在，大鬧過一場Tim! （因為成日揸住電話whatapp)
係依四年間 同依個朋友 到算熟絡下 … 有時問佢去邊佢到會同我講下… 分享下周遭嘅事….

直至最近 佢成日出咗去 我就問佢， 你係唔係有咗男朋友呢….佢話係！ 聽完個心真係會拿住拿住痛…. 咁你會講 ，咁即係你唔愛你老婆啦！我可以答你～唔係 我仲好愛我老婆！ 但依種感覺 真係好唔好受！ 我其實到好想佢有人照顧，有人睇住佢… 唔洗再自己一個人！但唔知點解，我真係好似好難放得低依一個人。 一個曾經成日會同你傾偈講嘢乜都講一餐嘅一個好重要嘅人，一下子唔見咗咁！

我都會換轉角色咁諗 ，如果我女朋友成日有個咁嘅人附近講嘢傾計到唔好啦！ 阻住晒！
所以我都會決定盡量少搵佢 ！
可能真係大家所講 唔啱時間 撞到對的人 ！
其實 我只係想舒發一下情緒 ！
我曾經幻想 第時如果你仲係一個人 我又變返自己一個 我一定會追你！ （不過可能到七老八十囉）
你問我會唔會祝福佢地 但我唔知點解又講唔出口！
睇嚟我都係壞人黎！
可能真係 係每一個空間 每一個人到有佢特定嘅角色 ！
可能我同佢係依個空間嘅角色，只係一個好普通好普通嘅朋友！ 就算我點努力到唔會一齊！
依四年嘅回憶 我會好好記住佢
會好好咁埋藏係我心入面！
多謝你帶俾我 依四年咁好嘅回憶！
講完之後 我只係想我自己舒服一點 ！

[匿名]

好彩唔係得我一個想講粗口

[匿名]

心動是本能 忠誠是選擇，你唔好講到太太好似次選咁.
吸引亦新鮮誰亦會偷，你太太何嘗唔係人地眼中好吸引人嘅女仔？點解佢仲留係你身邊？

[匿名]

自己美化哂同合理化所有野，然後覺得自己一定啱，自我中心到極點先講得出呢啲野，你老婆如果見到依篇野快啲走

[匿名]

做著你老婆真係折墮

[匿名]

其實你唔愛你老婆，完。

[匿名]

想自己舒服，可以唔放上嚟，自己對住個馬桶講，無謂要其他人睇白卡佬發作啦

[匿名]

成日拎住個電話同第二個女人WhatsApp 已經唔得啦⋯⋯仲買嘢買埋佢個份，交換禮物⋯⋯你一刻都冇企喺你老婆嘅位置諗過，不如你放過你老婆啦

[匿名]

Onl9😂你仲好意思講愛你老婆

[匿名]

嗱嗱嗱其實我就冇問嘅，一直都係你自問自答㗎咋

[匿名]

根本就係將自己嘅精神出軌合理化 有係個女人角度諗 有冇係老婆嘅角度諗過 根本就係唔愛
唔覺得對唔住自己老婆 而係俾唔到幸福個女人？既然結咗婚 珍惜眼前人 唔好搞咁多野

[匿名]

可唔可以收埋你啲感嘆號！

[匿名]

唔好將出軌合理化

[匿名]

你到而家都唔離婚，係因為責任問題。
你係愛你老婆嘅，你係唔會去諗，甚至去同第二個女仔有曖昧關係。
你有幾愛你老婆，大家男人心知肚明啦。
學你話齋：唔啱時間遇到唔啱嘅人。
你根本個心仲未定，咁當初你結婚嘅緣由係乜嘢？係因為到適婚年齡？家下咩年代呀，師兄？
人哋拍拖關你叉事咩？你要記住你係有婦之夫！做返你做老公嘅角色！
你個心仲有呢啲「塵世間雜念」嘅，當初你就唔好結婚，都戇鳩鳩嘅。