男朋友有層樓，唔肯加我個名

[匿名]

我同我男朋友一齊咗7年，打算今年結婚。本身佢有層樓，但係仲有1/3未供完。因為佢人工唔高，所以一直都係佢媽咪幫佢供一大半。佢同我講，如果結咗婚之後希望我可以幫手供一半減輕負擔，佢唔想再辛苦佢媽咪出錢。我就堅持要佢加我名落層樓去先幫佢供，否則我就一蚊都唔會供。

點知佢聽完勁嬲，話咩「如果唔係佢本身有層樓我哋就要租屋住，宜家幫補幾千都唔得？反正到時佢死咗層樓都係我。」其實如果佢冇樓我唔介意幫手比租金，但宜家佢係有層樓，既然要我出錢好理所當然就要加我名架啦，點解要我白白付出錢但咩都冇？如果到時佢要同我離婚我咪好冇保障？加上結左婚我都係想佢比一份保障我，唔通咁都有錯？我朋友老公佢買樓仲要供晒都係直接寫佢老婆名，我只係想加我名都唔係好過份姐。其實佢對我有保留點解仲要同我結婚呢？

[匿名]

人哋同你規劃結婚，你就已經諗埋離婚🥹

[匿名]

🤨咁搬出去一齊租囉

[匿名]

供1/6就要落埋你名好似都唔係好啱數喎

[匿名]

哇 出隻豉油碟就想食人半隻雞😂
咁鐘意AA 擺酒叫人包人情分兩份好無

[匿名]

如果租屋你會幫手交租，咁你依家比錢當交租都make sense🤔
其實如果你2個都咁計較，咁好似都唔係咁適合一齊

[匿名]

其實只要結左婚都可以分身家,, 不如keep 返個首置等你買另一層樓平d 好唔好

[匿名]

冇記錯，如果你第時證明到啲錢係用嚟供樓，即使層樓冇加你名，第時打官司好似你都可以按你比過嘅錢按比例分番業權

[匿名]

我建議你借錢比男朋友算，大家都咁斤斤計較，咁白紙黑字寫明暫時周轉咪算囉👍

[匿名]

公說公有理婆說婆有理
根本個男就唔應該張自己同女朋友放係呢個難題到
自己想減輕媽媽負擔就應該自己揹番條數
自己搵番多啲錢嚟供樓
自己搵得唔多要呀媽同女朋友供樓係咩玩法？
一係就個女負責其他家庭支出

[匿名]

事實上
除非你地結婚前簽左特定嘅婚前拹議，否則兩人婚後喺法律上都係視為一體，當你地離婚果時都有權分層樓

Btw
其實睇完你篇野，我諗即使果個男仔只係同你講婚後想你都投入啲錢落頭家度，你都會要求佢喺層樓度加你個名架啦，關咩幫唔幫人供樓事。
而且你未結婚就諗定離婚後嘅錢銀分配，就算條仔本身想加你個名，聽完你咁講都唔會加啦🥱

其實我地成日笑尻啲大陸女人勢利嘅時候，不如諗下自己做出黎嘅野同啲大陸女人有冇咩分別

[匿名]

下 但一齊住本身有冇付出其他支出先？理應要交租金

[匿名]

有份供加名好正常，按比例囉。你條仔本身無乜承擔，佢媽供得辛苦係為左佢，如果佢心痛阿媽，應該係佢承擔返個責任，有乜可能宜家將個責任轉嫁俾你又唔俾加你名？

[匿名]

有份俾錢就應該有份落名，站係商業角度都係半買半賣，你出咗錢但攞唔到應得個份邊有免午餐㗎，你試下問佢買股票唔要張票睇下得唔得🤑

[匿名]

首期人哋俾，供又供咗三分二，淨返三分一大家夾份供，到時離婚賣樓就分到成半，你個算盤都計得幾盡😇

[匿名]

你要加名就應該畀返市值一半男朋友先啦，如果公平計；我都唔清楚可唔可以寫你佔1/6，因為供剩1/3，你供一半即係1/6。

一係你提議同男朋友搬出去第二個單位住，男朋友間屋放租自行供款。咁就可以得償所願，一人一半租。👏