果頭話好攰拒絕我，轉頭入厠所打出來...

[匿名]

同男朋友一起一年半左右，咁依家都係同居一起住，咁一開始我地雙方都非常默契唔會點傾關於床上活動既野，可能驚對方反感或者唔鍾意。

我第一次去佢屋企之前，兩個人係有小小矛盾，因為好小事吵架，咁返到佢屋企之後我地坐係床度傾左陣。咁自然而然好容易解決左件事。順勢兩個人一起訓係床，咁啱啱嘈完交又解決左，咁係果個狀態下兩個都好曖昧。咁就係有左第一次。一開始大家最癲一日三四次，我真係好依賴佢，好鍾意挨住佢瞓覺，感覺超級安心。

係埋一齊耐左之後，我地大家知互相電話密碼，都唔介意對方使用，我有次電話冇電，唔記得插電，熄左機。咁我就用去電話google搵返條link繼續睇。

但我無意間發現。佢一兩日會打次飛機，都唔係問題，關鍵係點解我係隔離但係佢要去廁所打。點解我發現到，因為果日佢放假，而我都放假，咁又冇人用佢部電話，我又差唔多成日都係佢身邊，但有av瀏覽紀錄係度。我都諗唔明，係咪嫌棄我定點？我係隔離都要匿埋去廁所打…

咁從呢次發現之後我就將件事放左係心度時不時都會拎佢電話來睇google瀏覽紀錄有日我就唔係同佢一起訓，返左屋企住一晚第二日我返左來之後夜晚拎佢部電話來睇瀏覽av網站十幾個，加加埋埋碌咗有10版，我見到O左嘴。怪唔得果日佢同我講凌晨5幾點先訓，返到來好攰又咁又咁，番曬白眼，自己打到咁夜。仲好意思係度吵。

佢都唔多會特等想同我扑，次次我搵佢佢都話好攰拒絕我，轉過頭就係廁所打。一個月扑嘅次數都唔超過四次。甚至冇。

我都幾在意呢件事，但我都從來冇同佢講過傾過。我都唔知點算，都唔知係我心理有問題定點

[匿名]

有冇可能🤔 佢係睇片為咗
學下日文 睇下招式 諗下情趣 練下持久

[匿名]

我明白要搵到一套啱心水嘅av係好難 10幾頁係正常嘅

[匿名]

呢個係哲學問題，唔好問外人，直接問當事人

[匿名]

扑野就係食法國大餐 自己打就係食杯面 你自己就諗下點解佢寧願食杯面都唔食大餐啦😏

[匿名]

從那天起我戀上我左手🫲

[匿名]

咁你咪同佢傾下，睇下係邊方面令到佢唔想。😂

[匿名]

同你扑完嘢要傾計 換姿勢又要用體力
打飛機乾手淨腳 慳水慳力

[匿名]

有record咪好，咁咪留意下佢睇咩類型，之後cosplay下，俾啲新鮮感佢，情趣黎架麻

[匿名]

咁講，男人呢，自己打難好似一碟燒味飯，又平又好食，平時肚餓黎碗好方便。但係扑野呢，就好似一餐精美既燭光晚餐，雖然好食，但係麻煩，需要精心準備，認真對待，消耗大量精力，費時廢心機。所以，唔使認為佢嫌棄你定點，互相畀d空間啦

[匿名]

傳統手藝唔停得😂

[匿名]

建議傾傾，不過身為男人見到佢咁嘅決定，我就知道肯定好大問題，我都唔想咁講，但係我都係想問問會唔會扑嘢嘅時候你比較多要求？

[匿名]

其實有女友自己打都好正常，因為相對方便好多，只是你少見多怪

[匿名]

你地係依個問題上缺乏溝通，導致你自己成日都要估估下
你又唔好咩都怪落自己身上，可能大家有啲位未夾得到，又或者佢鍾意av裏面某啲情節而現實中又難啲做到呢
倒不如搵個機會同時間坐低同佢認真傾下，關心下佢，問下佢有咩原因想自己解決多過想同你做。另外，都講下你依家嘅諗法，等佢知道你諗緊啲咩
多啲溝通先可以一齊解決到問題
加油～

[匿名]

可能....可能...廁所多蟑螂，所以佢想消滅佢😆😆😆 P.s純粹講笑，重點係點解唔直接問佢？係度估都無用

[匿名]

其實我自己覺得有時男人打下飛機又無乜問題既，問題又不大。😂又唔系塭第二個。😂😂做乜甘介懷呢😂