佢為咗個女人想離婚，都話自己唔算出軌

[匿名]

我都唔明，生左一個就算啦，咁都仲同佢生第二第三個？

[匿名]

離婚啦，佢真係唔愛你㗎啦，放過自己同小朋友。

[匿名]

點解對條關係無安全感，又唔信個老公，但又同佢生小朋友，仲要3個………
換黎又係，為左小朋友唔想/唔敢離婚
做女人點解要做到咁呢

[匿名]

你呢幾年過得開心嘛？其實你心入面都有答案㗎啦，外人講乜你都係聽完就算，然後就會話小朋友好細個點點點，只可以講家下離婚好普遍，你再係咁落去好快你都會有情緒病

[匿名]

我建議呢兩夫妻搵婚姻輔導解決問題好過，最壞情況都係離婚……事實我諗網絡上無咩人有過呢方面既專業訓練來解決婚姻上的矛盾問題。經歷過既佢地做法又未必啱樓主個situation ，聽係要聽意見只不過應該聽專業意見，響度問即等同於請人食花生？

[匿名]

我建議呢兩夫妻搵婚姻輔導解決問題好過，最壞情況都係離婚……事實我諗網絡上無咩人有過呢方面既專業訓練來解決婚姻上的矛盾問題。經歷過既佢地做法又未必啱樓主個situation ，聽係要聽意見只不過應該聽專業意見，響度問即等同於請人食花生？

[匿名]

大家都係成年人，正常都有同性異性朋友；點會唔知底線到邊，踩過界唔肯認只是扮傻。

夫妻之間有問題應該兩個人商量去解決，冇可能話伴侶某段時間「唔夠體諒我」就向其他人尋求心靈慰藉。
—————————
呢個世界唔係所有錯都可以被原諒。
更何況你老公甚至唔覺得自己有錯。

佢出軌出到唔理自己老婆同親生仔女既感受、已經唸到離婚，你竟然選擇原諒。

作為一位母親，你係咪真係有資格代表仔女原諒佢？
—————————
小朋友慢慢長大自然會觀察/估到發生咩事，對佢地既成長一定多少會有影響。

老公不忠，你滿腦子都只係考慮自己感受。
有冇唸辦法令仔女既利益最大化，儘量將對佢地既傷害同影響減到最低？
——————————————————
如果你唔再當呢個人係「老公」，唔再抱有無謂既期待；而當佢係「子女助養者」，你會舒服好多。

[匿名]

冇安全感又可以同佢繼續生兩個小朋友？這道題我唔會做，下一題。。。😂

[匿名]

香港邊個返工唔辛苦😂咁咪個個都要出軌😂不過咁辛苦仲邊得閒出軌

[匿名]

啲蠢人真係好鍾意生仔

[匿名]

好明白你個種無助、失望嘅感覺。你依幾年都過得好唔容易，亦都好難完全走出之前被背叛嘅陰影
佢否認可能係因為佢覺得你唔理解佢，你唔去關心佢，係你錯在先，所以佢先會出軌
佢依個諗法係好唔啱，但正正反映出你哋平時嘅相處同溝通模式可能出咗問題，雖然唔太清楚你地平時係點，可能大家工作上都好忙，又或者平時較少分享自己嘅心情
如果你未想離婚住，想睇下有無其他方法嘅話，可以見婚姻輔導，雙方一齊透過輔導員依個中間人搵出衝突源頭，然後再傾下有冇大家都接受到嘅解決辦法
至於小朋友方面，就算你最後選擇離婚都好，你地可以共同撫養佢地長大，最緊要係大家都有個共識，盡量減低對小朋友嘅影響，畢竟佢哋仲細，唔好破壞到佢哋脆弱嘅心靈
而你自己都要好好保重，就算佢唔去見婚姻輔導，你自己都可以單獨見輔導員，解開心結擺脫痛苦要緊

[匿名]

如果你有能力自己湊大幾個細佬，離婚其實又唔係幾大件事，如果你現在淨係可以靠住個老公生活，甘你只可以委曲求全