點解前度作嘅孽要現任去承受？

[匿名]

交代下背景先 我22 女朋友20 大家係fd夾fd識

一齊左1年左右 ，一開始個陣都冇乜野 大家都好愛大家 會日日FaceTime 同分享大家既日常大小事 ，都叫幾sweet 。

但好景不常 大概一齊左3個月開始 我發現佢開始展現左佢既控制欲 例如趁我去廁所 ，沖涼個陣會偷偷地check我電話 我有開口同佢講過話比佢check但要問左我先 ，但佢既解釋係問左我先既話我可以做好準備del走啲唔見得光既野 佢個ex就係咁呃左佢好幾次。我有啲心痛佢， 所以都冇講啲咩 想自己可以做返個好既男朋友比到安全感佢。

但可惜佢好似都仲係覺得我唔可信咁 ，有一次佢signal 同我講佢早排用我電話remove 左一個新既ig既朋友，因為覺得佢靚女同埋個樣唔似係啲咩好人 ，但其實果個係我新識既gpmate黎 我同佢既關係都係同學咁 。

但係我女朋友眼中就變左個女仔想姣我，所以佢要remove 佢， 我個陣有啲燥發左佢一次脾氣 因為我覺得有一就會有二 同埋你介意嘅話可以話我知而唔係直接郁手Del ,佢好委屈我都唔忍心嬲佢好快就哄返佢。

有一次同朋友一齊打機冇覆到佢message ，講緊一場lol既時間（35分鐘左右）佢打左7次電話比我， 我知自己衰冇開聲有即刻搵返佢 然後直接比佢鬧我去左flirt 女上酒店 。我個陣解釋返仲share埋個location 比佢 ，佢都用一句好西既語氣講：哇叫女上埋屋企搞咁巴閉啊 咪用埋哂呢啲技倆 我前仔都係咁呃9我啦 你地啲男人最叻呢啲架啦 ，我聽到真係好唔開心 點解又係ex 又係要攞個ex黎judge 我 ，後尾我沉默咗好耐佢好似都sense到過左火，有比返台楷我落 。

最令我唔舒服既一個位係大家既床事唔夾，我係一個好重視床事既人，我覺得冇性既愛唔完整，但同佢仲停留左係stage 3.5(? 佢強調左幾次唔想咁快因為驚我好似個ex咁呃佢， 同埋佢覺得佢個ex會比帽佢就係因為太快得到所以先唔識珍惜 。佢同佢個ex一齊左一個月就stage 5左 。坦白講我好愛佢我唔會迫佢那怕我真係好想同佢有更close既一步，佢連基本手口都唔肯，係咁岩我生日個陣先肯，真係得一千零一次 ，道理我明 ，係因為佢個ex令到佢冇安全感所以佢先唔想，冇得怪佢 。

但呢啲位我個心真係好唔舒服，好似我輸咗比另外一個男人咁，憑乜嘢佢咁唔珍惜你都可以同你做，我就只可以自己打丁去解決，唔知有冇巴打明我講乜， 或者呢啲就係男仔既幼稚啦。亦都因為咁我終於係10月同佢提出左分手。

一開始佢好嬲係咁日日signal轟炸我機 我都一直冇覆只係mute左佢 。早2個星期佢開始態度放軟係咁say sorry 仲同我講如果我肯同返佢起埋一齊佢咩都肯做，我睇到真係好心痛 ，一方面諗自己係咪唔應該同佢分手，係咪因為我唔要佢佢先會咁作賤自己。我直情喊左出黎，冇錯男人老狗20幾歲係條街都嚎哭真係幾醜怪 希望大家唔好相認🙏🏻

我最後都係心軟左同返佢起埋一齊，呢2個星期佢好乖好正常仲話同我去開房，我想點都得，但我都一一拒絕左，因為我真係唔知用一個咩心情去面對佢，我都唔想同佢有任何既身體接觸，因為我知佢而家既正常只係扮出黎可能過多排又會重新返返去以前咁，我唔想佢係一個咁樣既mood下做，咁我寧願打一世丁。

點解ex作既孽要現任去承受？有冇人可以教下我應該點做？我好擔心如果我一同佢分手佢會做傻事….

[匿名]

比起愛，依家你對佢既係憐憫同恐懼——擔心佢會因為你提出分手做傻事。
·
你對呢個人已經產生左反感，唔想有身體接觸既下意識反應係呃唔到人。
·
而單靠憐憫係冇可能長久維持一段關係。
—————————
其實大家細個拍拖都試過要生要死。
·
信我，冇幾多個真係打算自殘/自殺；只係以為可以用呢樣嘢黎威脅/強迫對方留低。
·
冇人應該要對另一個人既身體/生命負責任，所以你唔需要顧慮呢一點。
———————————————
佢根本仲未由上一段關係入面走出黎就同你開始，所以你就成為代罪羔羊、佢將對ex既不滿發洩係你身上。
·
你提出分手，佢唔係醒、只係唔甘心，如你所講自欺欺人扮冇事去迎合你。
—————————
一係你就嘗試用時間幫佢走出陰影，兩個人唸辦法修補關係。
·
不過如果你同佢上左床，佢對你會更加瘋狂、你更加走唔甩。
·
一係同佢講清楚，解釋點解你覺得兩個人已經冇彎轉。
·
不過要有心理準備佢短期內反應會好激烈，你要狠下心腸唔理佢、等佢自己放棄。

[匿名]

建議分手，呢啲人真係唔適合拍拖住

[匿名]

呢d情況你要話比佢知 你既感受。比機會一齊返吾係問題。但最緊要比佢知你既感受吾好受。

佢成日講ex點點點 其實吾關你事 都吾關個ex事。係佢吾相信人。佢剩係信自己睇到既野。你同返佢一齊要佢學下信你先可以行到落去。如果佢吾明吾會行出個步去信人 甘不如放生大家好過。

[匿名]

笑死我 開頭同條女一齊 佢個心態都係咁
你係有心處理嘅 四個月都搞得掂啦
你都冇努力過 學乜人講三講四呀細路
每個人都有自己嘅故事
你唔肯行入去 又點可以迫對方照你嘅方向行
老實講你做嘅野十足個急着捐出個處A0仔
條女對你黎講係另一半定另一個飛X杯？

[匿名]

唔係前度問題，係佢自己任由自己情緒去傷害身邊人嘅問題，簡單啲講係自私。

[匿名]

如果你仲係愛佢 亦都知道對方喺真心愛你 會建議試吓couple therapy 一齊面對呢個難關

[匿名]

叫佢睇下輔導啦，如果仲愛大家咪一齊面對

[匿名]

就可能就係太唔ready 而開始的結果...完全ready 抹走過去傷痛係不可能，但要盡量做到唔傷害現任... 但你 (前？)女友太年輕了.. handle 唔到，你自己都balance 唔到自己去開解佢，只覺得自己忍到就忍，因為心痛佢

[匿名]

好明顯佢係因為上段感情搞到冇哂安全感啦，同埋佢好中意你囉😂😂唔中意你既話唔會理9理同邊條女傾偈

[匿名]

🤔我都系同樣被人派帽背叛，甚至以前嘅夜晚系發噩夢。可能真系太年輕嘅時候戀愛腦，把對方睇得太重要。所以過來人看來系要自己釋懷先自救到，如果愛對方可以嘗試比個時間大家好好坦白，如果尼段時間之後仲系咁就byebye。唔好遺憾就好～ 個女仔嘅行為都比較過份，但系男仔都可以嘗試一下比小小時間慢慢令佢明白。

[匿名]

自己嘅心病有時真係需要靠自己去醫，呢段關係入面覺得你好善良，但真係要好好同佢傾下，唔應該拎前度嘅錯嚟懲罰你，真係唔公平..明白佢受左好大傷害，你亦盡左力，但佢心中嘅陰影同恐懼始終要佢自己去面對番..如果佢真心想自己以後嘅愛情路好過啲嘅話

[匿名]

佢應該睇心理醫生，如果你搞咗佢你仲大壓力，到時仲煩，不如大家認真傾，佢再係咁就真係分手

[匿名]

既然決定咗分開，就無必要繼續勉強大家再去維繫

女仔需要時間慢慢放下過去，好好學習獨處從建自我價值

男仔需要了解自己到底「性」是否真正原因而決定放手，或是原來內心深處有其他因素？

[匿名]

留言從來冇令我失望過，個女仔固然有好多問題，但冇人發現個男嘅其實都有問題？👏🏼👏🏼

[匿名]

恐怖情人，仲想比佢繼續虐待？學佢嗰套講法，佢乖返都只係想挽回你嘅伎倆，佢唔信你，你都可以唔信佢，所有嘢都係佢扮出嚟，兩個人一齊連個信字都無，走啦