我加咗$700人工，佢即刻叫我請食飯

[匿名]

交代番個背景先 我22 o1 佢36 o6。我月入around 17k，仲差學資處廿幾萬；佢月入超過25k; 經濟環境都算唔錯。

我同男朋友拍左around大半年，但我覺得佢好似唔係好愛我。因為我始終岩岩出嚟做野，所以冇乜錢，再加上自己仲差政府錢，所以都想儲下錢先。

咁平時出街拍拖食飯都係男朋友比錢多，有時我都有主動話請番佢食飯，雖然唔係好多。最初一齊果陣有次我知佢唔開心，我仲好sweet咁親手整蛋糕比佢食同去佢屋企附近等佢比surprise 佢。但相反佢對我就完全冇做過呢啲野，我都明唔係個個男仔都咁細心識呢啲野，但仲有啲位令我覺得佢都唔係咁鐘意我。

同佢拍拖feel到佢用錢都好似就住就住咁，食餐好少少每人around $200 佢都會話貴，話我成日屈佢請食飯，雖然係講笑咁講，但有時聽到都會唔太舒服，因為佢好似真係介意。平時送禮物都係淘寶買，我唔係介意淘寶，因為都係一份心意姐，但我知佢之前拍拖對佢ex一個月係會洗成皮野，我有同男朋友講話呢個問題，佢話佢果陣係被迫，因為個女仔好注重錢呢個問題，但我自己就唔係一個貪錢既人，所以聽完我都體諒，但做女仔好自然會有比較。

其寶我自己覺得如果大家都係冇咩錢，其實AA又有咩所謂，冇錢最多咪一齊努力儲錢，但我知道男朋友係有啲錢，但佢都好似好介意係我身上用錢咁，有次我趕時間但身上咁岩冇哂cash，男朋友話比住我先，最後佢比左$100我，然後我轉頭pay me番比佢，佢都有照收。

之前我岩岩過probation 加左$700人工佢就即刻叫我請食飯，遲到又借機叫我請食飯，玩遊戲輸左又叫我請食飯，當然啦，有錢請食飯當然冇問題，但我自己屋但本身好多洗費都要我support,呢啲男朋友都知，所以有時會諗其實佢係咪真係鐘意我呢？

男朋友口講就話想同我有將來，甚至有講過下話想同我結婚，但佢完全比唔到男朋友既感覺我，平時都唔會送我番屋企，我都知佢平時番工都好攰，所以有時反而係我送番佢，陪佢搭地鐵去佢屋企附近地鐵站我自己再搭巴士番去，雖然佢都有陪我等車，但我一上車再望下個窗…佢已經消失左…

最近我開始有想分手既念頭，想慢慢少啲搵疏遠佢，但我知佢身體唔好，都有少少焦慮問題，我唔想對佢打擊咁大。佢平時對我冇乜野，又唔算特別差，但係冇男朋友既感覺。我想知大家點睇？因為我始終第一次拍拖，請咁多位大佬比下意見🙇🏻‍♀️🙏🏻

[匿名]

走啦 36歲溝到22歲仲想點？
仲要咁孤寒 無拍拖感覺
唔通真係貪佢又老又頹咩？

[匿名]

三十幾歲人
仲要個岩岩出黎
做野既女朋友
請食飯睇完都想笑🫠

[匿名]

我唔肯定佢鍾唔鍾意你，但佢拍過拖6次又到呢個年紀可能佢已經對感情懶了麻木了，個人冇乜情趣又有d 唔夠大方，你咁年輕，對愛情仲有好多期待，我覺得佢未必俾到你想要嘅野你，如果你想走落去就溝通吓，睇你想要喺呢個人身上搵到其他可能，定係想喺其他人身上搵不同可能，愛情要誠實面對自己💪🏻

[匿名]

肯為你洗錢嘅男人唔一定愛你 但唔肯為你洗錢嘅男人一定唔愛你

[匿名]

搵25K，邊忽叫環境唔錯？
如果佢到呢個年紀純粹想慳錢儲錢而唔洗多你身上無問題，大家去食平啲。不過咁睇佢唔係呢個方向。
至於你本人，唔知出街密度有幾高，以佢收入黎講四百蚊餐未到係低消費。
另。分手就分手，咪諗埋啲打唔打擊呢啲無謂野

[匿名]

其實25k真係唔算多 但餐餐食每人$2xx都姐係埋單$4-5xx
你都識講好多時佢請你 你請返一餐半餐當然唔算壓力大
你試下餐餐請譚仔 都食窮你啦

另外你冇cash 男朋友比住你先 你比返佢 佢收返好正常姐 佢又唔係你daddy

過proba呢件事 如果你主動d話請食飯 大家開心 可能唔會有咁既事出現啦
有邊個屋企唔洗自己support？唔係得你一個大負擔架嘛 如果你諗住拍拖係搵個人養嘅話咁你都係分手啦 人地先25k一個月 點養2個人

等車個度 你咪同佢講下lor 可能佢以為你搵位坐唔得閒望佢 咪自己走先 呢d小事 你唔講佢就唔會知你介意呢d野

你話覺得佢唔係好愛你，我都覺得你都唔係好愛佢
你淨係覺得你男友唔體諒你屋企大負擔 但係從以上文字我都睇唔出你有幾體諒你男朋友

[匿名]

過來人話你知
相信自己感覺 拍緊拖都feel唔到愛
就係佢唔夠愛你/唔識愛人/最愛都係自己
分手啦 唔洗幫佢諗咁多理由 唔洗辛苦自己

[匿名]

一個食幾舊水飯都話貴，送禮物又淘寶嘅人，佢有幾愛你，慢慢疏遠佢啱㗎喇

[匿名]

36歲仲要剛出社會嘅妹妹仔請食飯，佢都幾好意思下。36歲仲揾25k is not good 😂

[匿名]

佢36歲拍過6次拖，點解你會覺得同佢分手會打擊到佢？再講，佢愛你deep 極有限，不要看自己看得那麼重

[匿名]

依家似係你唔想同人有將來多啲喎，你只係想一直唔點使出錢咁樣有人愛你對你好咋。

你估佢冇使錢？平時佢俾錢多，你有冇諗過？ 其實平均人頭食$200一餐，餐餐都係咁，絕對唔算特別平。
呢頭講完心意，轉個頭又要嫌人送禮物唔夠貴，你冇嘢呀？

佢唔識俾驚喜你，講嘢講得衰，係一回事，呢啲可以講，可以再努力。
但唔代表佢肯用錢喺你身上都要被你諸多挑剔。

你唔想請食飯，可以照直講自己覺得好窮，唔想請。
你唔想俾返錢對方，咪講自己冇錢，我又唔信佢會因為一次 $100 就嬲爆你喎。

總結：
你唔愛佢就唔愛啦，唔好搵咁多藉口R人支持你分手，唔好連佢冇目送你部巴士走都上網投訴。

佢唔細了，快啲放佢走。
搵個 sugardaddy 會比較適合你。

[匿名]

首先講你感受俾佢知先
佢覺得自己冇問題就分手

[匿名]

都36 洗乜體諒 說散就散喇

[匿名]

乜仔黎？
講野好有問題
態度都唔多掂
Ex洗得多
現任就要慳？
洗多2舊就牙痛咁聲
早走早著