工事唔會同我傾，私事又話唔鐘意講

[匿名]

我24 佢30 一齊兩年幾 大家同事識 地下情之後大家唔同部門所以向大家身邊嘅人都公開 。

係女方嘅角度緊係想男朋友將自己放係第一位 但佢就永遠工作行先 ，同工作有關嘅人搵佢佢都會第一時間仆出去 就算佢同緊我屋企人食飯 但就係一啲與工事無關嘅飯局/酒局 ，每次都會飲都醉曬 但到現時為止我相信佢應該無出軌 ，平時都會因為佢嘅酒局啲frd帶啲frd出嚟劈 仲要比我發現酒局啲人同佢同我講嘅人有出入 明明又話條女有仔，但又抄人牌send返合照比人 第二日我發現問佢 ，佢又話斷左片唔記得 亦有好幾次呃我開OT/返左屋企但又係出去玩。

但佢身邊嘅人又會同我講佢真係好鐘意我 視我為結婚對象 但佢從來無同我計畫過傾過將來 ，只係同我講佢嘅理想生活係佢另一半係屋企相夫教子 ，但我得25歲 而家呢個歲數嘅我仲想係工作上拼搏下 不過我都唔敢肯定婚後嘅我會想點 但佢而家咁講 我覺得佢係迫緊我 。

同埋佢一直唔鐘意同我報備/分享佢每日發生嘅事 工事佢唔會同我講 私事佢又話佢唔係一個鐘意咩都講出嚟嘅人 。之前又因為佢暪住我同佢Ex聯絡又del msg 大家冷戰 明明係佢做錯事 但我要接受佢嘅冷暴力 ，最後都係我搵返佢講清楚 我覺得大家一齊兩年幾唔係短嘅時間唔想就咁放棄 到之後每次鬧交佢都係用同樣方法去對我 ，無話氹返我 。

我一直都覺得佢成日唔搵我呢個問題鬧交 佢嘅答覆佢因為佢忙/唔記得 我睇佢電話見到佢覆人覆得好快好密 而家就4-5個鐘先覆我 ，仲要係我問到今日係咪好多野做？先會覆 佢就講 咁淡左就緊係小啲野講嫁啦 ，最後會講我注意返啦 唔好嬲啦 會好一排 ，但都會打回原形 想問下大家到底我應該要點做？果斷放棄定繼續觀察？但我已經控制唔到自己會成日懷疑佢check佢 因為佢比我嘅安全感真係好唔夠 。

[匿名]

建議及時止損 搵個第二個

[匿名]

分手啦！
佢都講：「咁淡咗就緊係小啲野講嫁啦」 佢對你都淡咗，跟住佢有佢繼續玩，你有你繼續胡思亂想，繼續一齊落去都唔會開心

***總會搵到一個懂得欣賞你嘅人，加油sis

[匿名]

因為兩年幾唔短唔想放棄，建議去了解吓咩叫沉沒成本

[匿名]

唔好意思，應該係「公」事

[匿名]

佢未搵到第二個，同住你先，走啦喂

[匿名]

如果佢報備過，而你會俾佢出去/唔西面/唔俾說話聽，咁我諗佢下次都一定會報備；
如果報備左而你會唔開心/扯火，咁鼠出去搏你唔知，係好正常嘅事：
報備100%嬲左；唔報備<100%嬲，普通數學啫🙈🙈

[匿名]

真係諗清楚先好結婚，如果你放佢喺第一位，而佢唔係嘅話，痛苦嘅只會係你。佢只會覺得你唔體諒，佢唔會理解到你嘅難過。

[匿名]

過來人經歷分享，一般關係，無左最基本既信任，就算勉強一齊都係苟延殘喘。佢要偷食，總有方法。就算俾你check 到又點？佢都唔怕俾你知。

[匿名]

男仔有時的確唔太多講自己嘢 不過以我自己經歷嚟講 可能係會少同屋企講 但就唔會唔同另一半講 因為自己覺得另一半就係一個我可以對住佢咩都講嘅存在

[匿名]

分手啦！你依家都只係唔甘心呢兩年幾嘅時間同感情姐，如果真係珍惜你，愛你嘅人，唔會不停呃你啦🥲

[匿名]

好明顯，唔夠愛。

[匿名]

其實乜都唔講點解要一齊
有同無無分別不如無啦

[匿名]

等你自己走，佢唔想做衰人叫分，呢d表現係想同你分

[匿名]

咩都唔想同你傾 冇溝通好難維繫。如果羅左出黎認真講都冇改善咁就算啦

[匿名]

事業對男人黎講重要係應該的，但有分寸既男人會公私分明。
每件事都應該有個先後順序，分緊急程度同事件大小黎排序。

有時應酬係必須既，呢D應該係正經場合。
如果飲到斷曬片既就唔可以話係應酬，醉到意識都冇埋點傾生意？

至於覆信息，大家都要返工，秒回係冇可能。
但忙唔係藉口，真係有人會返足全日工都唔去廁所、唔洗放飯？

一段關係入面，冇嘢比溝通重要。
依家佢唔肯同你溝通，結左婚後面對種種問題你將會更加孤立無援。