佢屋企有M巾，都堅持話自己無女朋友

[匿名]

佢係我健身教練，我對佢唔算一見鍾情，但係第一印象好好，因為果陣我剛分手無耐未有拍拖打算，第二次見面我好直接問佢做唔做sp。
當時無諗咁多問題，就上咗佢屋企，睇落間屋係自己一個人住，佢聲稱都係一個人，但係個廁所就有啲護膚品，我當時都冇為意。

一直keep住做咗半年，我對呢個人越嚟越好奇，因為佢成日消失，搵唔到人，一係已讀不回，永遠都係得佢約我，我係好難先約到佢。
到最後真係忍唔住，趁有晚佢約我上佢屋企，我去廁所摷吓佢啲櫃，發現佢個櫃有啲M巾係度，我又留意吓佢間屋，但都唔似有女人住係度。
但M巾呢樣野點解釋都唔通，果晚之後我就冇搵過呢個人，我好怕自己無意之間介入咗，怕佢萬一係有女朋友，我就做咗人第三者，我真係無心。

其實無搵佢一段時間，佢都冇再搵過我，當我以為呢段關係完結果陣，佢突然起勢咁撩我傾計。我覺得呢個人真係好賤，我忍唔住同佢講，你都有女朋友重搵我做咩？佢不停否認。重話啲M巾係佢屋企人，據我所知佢有個家姐定唔知妹。你個家姐定唔知妹又唔係同居，會擺M巾係你屋企？但佢依然否認，我為咗證實自己疑惑，我人肉搜索佢ig，終於比我發現到個女仔疑似係佢女朋友，因為個ig 係公開，有幾張相都係佢屋企影。

我直接sd埋個女仔ig比佢諗住佢無得辯駁，但佢到最後話題完結都係講冇女朋友。我以為今次鬧薑之後大家就真係唔會再聯絡，但呢個人不斷係咁每日sd信息比我講無聊野。我真係想反白眼，係我諗多咗？定係佢唔怕失去女朋友？

發生咗呢件事我好內疚，我一直最睇唔起啲第三者，無諗過發生係我身上。

[匿名]

好出奇咩，以前去p 記跟教練，個教練whatsapp 頭像係細路女，但佢約我出街，我問佢係咪有老婆仔女，佢話冇，我驚佢個人唔老實，我就問佢同事個教練係咪有個女，個同事話係🤪有家室都唔認，所以如果你都唔鍾意做第三者，應該事前多d 渠道查清楚，唔好信對方片面之辭

[匿名]

留言睇到香港人閱讀理解有幾差🤪

[匿名]

其實你都係做SP姐😅😅😅

[匿名]

就做番SP本份
做咩要理人地私人野
沉船就沉船啦

[匿名]

兩個都奇撚怪怪

[匿名]

條友行為不代表所有健身教練😢

[匿名]

其實睇原po無沉囉🤣點解有人話原po? 原po似係唔想搵人哋男朋友做sp先係咁judge

[匿名]

啲m巾係咪用黎擺鞋底吸濕呀～

[匿名]

你唔係主動搵人做sp？而家又要理人有冇女，你都幾煩下

[匿名]

錯重點，不過想知又話係你健身教練但又成日搵唔到人咁點健身🥹🥹

[匿名]

SP嘅話唔搵就唔搵啦！使咩打段嘢上嚟！沉船就沉船啦！

[匿名]

你有冇搞錯件事，你一直只係sp…連第三者也不是🤔

[匿名]

由你問佢做唔做你sp個刻，你都冇諗過後果，怕咩？再講，做得人sp就唔好理佢ge私生活，唔好以唔想做第三者為由去窺探佢ge私生活。

[匿名]

如果大家都係sp的身份，你又如何介入佢同女友，然後做左第三者？
其實你係有懷疑的就比個定斷自己啦，你心決定佢係有女友-》不來往，就完全唔需要再諗，佢係搵返你唔可以當佢透明？唔可以block左佢？你咁心思思做咩？
不如唔好再投入d sp關係啦，你唔覺得自己跟本玩唔起咩？