佢鬧我唔應該買飯比父母食

[匿名]

我27歲，老公35，我同老公結咗婚六年幾，算係閃婚，拍拖唔夠一年就覺得呢個人好適合終身，唔係衝動，係大家個理念一樣，三觀都好夾，結婚後好快有咗BB，宜加有個小朋友快五歲。

我地一家三口未中過肺炎，我老公重好驚，驚個女會中，佢都唔敢帶個女出街。一直生活都好恩愛，去到我爸媽中咗肺炎，屋企得我一個獨生女，父母年紀都唔細，我真係擔心，冇人可以照顧到佢地，我就去買飯比兩老食，其實都係放低就走。

講完比老公聽，點知我老公發曬脾氣，又話我惹病菌又剩，講咗好多唔好聽既説話。總之大致上就係叫我唔好理阿爸阿媽。

我即刻對呢個人好心淡，你個女大個咗咁樣對你你會點諗？我宜加彩都唔想彩佢。
係佢太冷血定我太自私

[匿名]

佢係太驚嘅，不過佢本意都係想一家人健康，唔好中
雙方情緒平復之後，再試吓傾吓啦

[匿名]

呢個疫情係睇清一個人既好機會。

[匿名]

想提下po主，你咁就心淡你對婚姻生活未免過於理想。
就算好似我父母咁恩愛都唔止一次因為佢地父母而鬧交。你地三觀應該真係好夾，五年先有呢件小爭執，兩公婆自己閂埋房門鬧下交好快就解決到
唔好用呢度留言去審視你老公，我相信呢度，無咩人同另一半結婚成五年先第一次有衝突，勸你諗清楚，唔好小小事就講到心淡咁大件事

[匿名]

叫佢將心比己 身教做唔好 點教個女？

[匿名]

佢最好無病無痛直到永遠 如果唔係你就可以咁對佢啦😂

[匿名]

講得出叫人
唔好理自己父母
真係自私到極
既然咁驚中
以後都唔好出街啦

[匿名]

都3年啦 仲驚中武肺？😂

[匿名]

到咁今日都咁驚🤔佢好似患咗驚恐症？我真心㗎，佢可能要睇心理醫生🥲

[匿名]

其實呢個疫情令到好多人有咗驚恐症，我都一樣，好多時驚到張問題放大。本意唔係咁嘅人，但因為太愛家人所致，想保護家人點解又會變成冷血呢？好好再傾，唔好一時衝動。

[匿名]

你老公主要係怕個女確診啫，小朋友病有情緒就扭計，大人好多功夫要做，萬一入院都要等好耐，係時間同精神上消耗，如果大家要返工喺呢個時候確診邊個照顧小朋友，連兩老都未好返哂，好返哂都要調理身體，佢係過份緊張，你可以再同對方溝通，另外搵方法亦得，或者唔洗每日送飯，有時嗌外賣同父母視頻關心，事實有啲小朋友確診的確未必捱得過，係講體質，得一個女係會比較保護，冇話你照顧父母唔啱，唔睬對方好難傾返件事，到最後傾完真係唔理解先算啦

[匿名]

掛起門口，等你自己父母開門拎。

[匿名]

佢太緊張個女會中，不過都應該體諒你照顧兩老出於孝心。大家觀點與角度唔同，嘗試再溝通下。

[匿名]

咁一係幫你爸媽叫外賣？或者睇吓佢哋可唔可以去隔離處所？起碼有人照顧佢哋飲食啊
辦法總比困難多 寧教人打仔莫教人分妻😢 大家都係緊張雙方屋企人但只係太急躁 手心係肉手背又係肉

[匿名]

唔洗反工？無出街食過飯？有就嘥氣，屌柒佢扮乜鳩？

[匿名]

玩咗3年仲做到防疫L，個腦應該有問題。登你同bb慘