我身邊唔係醫生就係律師，但男友睇英文餐牌都唔識

[匿名]

我出生於一個好嚴厲 而且環境中上嘅家庭 自問所有自身條件由外到內都不錯。父母一直以來都對我好有要求 無論係學業，個人成就 ，人品，所以講到談婚論嫁嘅對象一定都要有返咁上下。
.
.
幾年前，我同的以前個男朋友分咗手之後 我遇上一個人(水泡)。水泡係一個好好嘅人，內心好善良既人，但係因為環境條件各方面佢唔係我一個理想嘅對象。例如衣着方便 我成個行政人員look又拎住個名牌袋, 佢就一身街坊look 談吐講嘢粗粗魯魯 , 成個背脊都係紋身。但係我自己來講我係完全接受到,只係我好怕身邊嘅人接受唔到佢。
.
甚至有陣時介紹俾朋友 屋企人我都好怕，身邊啲朋友個個唔係醫生就係律師，我帶男朋友出嚟佢有可能呢睇英文餐牌都有困難。我覺得我會令佢難受，自卑 ，其次我都係一個好要面子嘅人我真係完全唔知點樣去面對。我覺得我自己好自私 完全冇諗過佢感受 而佢就覺得點解我成日收埋佢
.
我哋嘅感情建立係因為我當初分手寂寞而想搵個人嚟陪我 首先我哋一開始就已經係錯。慢慢了解咗佢之後我發現我同佢可以真係夾得來 ，而且日子耐左真係產生咗好多感情。佢係一個好上進對我好溫柔嘅人 我覺得佢真係對我好好 可以話係一百分。但講到結婚 我覺得佢同佢唔適合。因為個差距真係好大好大。無論係文化 經濟條件 背景所有嘢都好大差距。大家覺得我應該放手嗎？我希望佢會真係得到幸福

[匿名]

第二段第一句睇嚟⋯人品都唔係好好⋯？🤔

[匿名]

佢離開你咪得到幸福囉

[匿名]

你連寫佢都寫水泡，你仲問D乜？

[匿名]

咁點解唔同身邊嘅醫生律師拍拖？🤣要咁屈就你呀

[匿名]

物質重要定係心靈思想溝通上重要呢？
當外在條件好好時，但對你唔好又唔理解，你又真係開心嗎？

莫道你在選擇人人亦能選擇你

[匿名]

0分重作
又話自身條件幾好幾好
連個男人都包吾起好得去邊

[匿名]

你又接受到 又接受唔到身邊嘅人接受唔到
咪又係接受唔到
#我都唔知自己講左d乜

[匿名]

你心裏面應該有答案 其實你唔係真心鍾意佢 點解仲要一齊

[匿名]

Waa好勁啊。身邊啲人唔係醫生就係律師，而你只係一個分咗手就搵水泡，仲要睇唔起人嘅人。我鄧你啲朋友淤皮

[匿名]

我遇上一個人(水泡)🫠你有幾愛一個人先會講呢句 諗清楚你係咪真係愛佢

[匿名]

阿樓主 你放過個男啦

[匿名]

我睇完個標題就已經想叫你放開個男仔啦….

[匿名]

喂Diu今次唔洗睇第一段，睇標題都可以收皮

[匿名]

你話你自身條件好好 又講到自己由外而內都唔錯
但連中文字都錯一大堆
要不 你打返英文會唔會比較好?
再加上由你既文字裡面
都已經睇得出你個人唔太識尊重人
三觀都有問題既人
又何來既"內在都唔錯"
恕我直言真係睇唔出