佢archive咗Ex啲相係咪仲未放低？

[匿名]

男朋友對我幾好，都算細心體貼，事事遷就我，冇對我發過脾氣，我哋平時相處都幾和諧開心。

有次我哋講緊ig有archive相嘅功能，然後我順便話想睇下佢archive啲咩舊相，發現佢仲有keep同佢ex 啲相，我嗰下冇表情冇表現好嬲，但係其實我好唔開心，因為我一早就del曬我同我ex 啲相，根本冇archive，覺得archive係放唔低嘅表現。除左ig，其實我都好care佢Facebook仲有同ex 啲相，仲係直接show出黎嗰啲相…暗示佢過幾次，發現突然有一日佢del曬Facebook啲舊相，咁其實我都開心佢有del嘅，但係佢同我一齊一年幾，點解諗到依家先del，留啲相黎做咩？

前幾日佢幫我影相，然後我睇番佢相冊我啲相，一齊咁耐我冇check過佢電話，但係我就係呢次，係相冊睇相嗰陣碌落dd，iPhone有個人物相冊嘅地方，我順便想睇睇我嘅相冊有咩相，發現呢個相冊又有佢ex… 點解邊度都可以見到佢… 我嗰晚本身好好心情，即刻冇咩心情話要番屋企，佢可能feel到啲咩，路上問我係咪一個容易呷醋嘅人，然後又自答：「我覺得你應該唔係嘅」。

佢同佢ex分手之後，中間都隔左兩年幾三年，先同我一齊，同我一齊又一年幾，過左咁耐，點解啲相仲係度？

我唔係啲鍾意大吵大鬧嘅人，所以咁多次我見到佢ex啲相，我咩都冇講啲咩冇同佢吵過，但係一次又一次嘅見到，我真係好唔開心，好嬲。其實佢真係鍾意我咩，定係根本佢未放低佢ex，咁我同我一齊咁耐，日日口口聲聲話鍾意我，其實當我係咩？

[匿名]

每個人對待回憶嘅方式唔一樣，keep 相唔足以證明佢唔愛你
利申：我同我另一半都有keep ex 舊相，但大家對ex完全冇哂感情

[匿名]

唔通delete 晒又代表放低咗咩(๑˃̵ᴗ˂̵)

[匿名]

唔好嬲啦 可能佢之後同其他人拍拖仲會keep你啲相呢🥺

[匿名]

我自己其實都係achieve 相為主，唔會del相，唔係仲掛住/中意個ex，只係覺得依啲都係屬於我嘅回憶，無可否認係幾開心所以會想keep。但其實平時睇都唔會睇。

[匿名]

其實有冇可能係佢已經唔記得咗有呢啲相◉‿◉

[匿名]

其實睇得出你好冇安全感，佢放低左未其實你睇佢平時對你點就會知，根本同del唔del相冇關係

[匿名]

唔鐘意大吵大鬧, 但係好小氣囉😂 佢都收埋/ delete啲相, 你仲想點?

[匿名]

其實我男朋友都係咁，但係佢有同我解釋過，好多時候係因為佢懶得del甚至係冇時間，因為佢覺得相依啲嘢都冇乜特別，反正係過去，而家間唔中得閒先會攞出嚟del，所以其實你可以試吓問吓佢原因囉，可能太忙呢

[匿名]

其實點解明明溝通係一段感情入面最容易亦都係最重要既事，但你地都唔做，係要大家估估下架姐，我可以好肯定，如果大家多啲溝通，講自己唔中意既野出黎，其實唔會成日有人分手囉

[匿名]

點解分左手唔可以留低舊相

[匿名]

相可以del 走，但回憶唔可以抹走，段回憶真實存在過，我覺得更應該好好創造彼此的回憶 ，而唔係Focus係d 過左去嘅舊照片度 ☺️

[匿名]

小姐🔥都過咗兩三年啦，
每個人都有佢自己過去，唔delete啲相唔代表未放低又或者唔愛你嘅。
唔應該介意對方嘅過往。好好活在當下啦🔥

[匿名]

咁佢都del咗咁仲想點？🫠
你想佢ig del埋咪同佢講。

[匿名]

其實好少事…我都有前度啲相係度，但真係完全唔care呢個人，對佢無留戀無感覺，完全我懶得del😌

[匿名]

未del又話人唔del ，del左又話唔明點解咁耐先del = =
你咁在意呢d事又唔去同佢溝通 咁你就自己避開唔好再睇人地d私隱咪得，睇到又覺得唔開心 睇唔到又話鳩人del左 麻撚煩