最近我瘦左，佢對我越來越冷淡

[匿名]

女朋友因為我瘦咗，對我越嚟越冷淡

我係les，25歲，同女朋友一齊咗差唔多一年，我地兩個都係外表女性化既女仔。我正常樣，身材小肉地，身高170cm，識女朋友既時候接近140磅。女朋友就瘦底靚女，165cm，唔夠110磅。

女朋友識我之前，都係鍾意d偏瘦既女仔。一開始我都擔心佢會嫌棄我有肚腩，但慢慢佢就話發現肥肥地幾正，仲話識食一定係食半肥瘦。我有比過自己幾年前肥到170磅既相佢睇，本身以為佢會笑我，點知佢就係咁話好正叫我快啲增肥。

本身一路都只係當佢話鍾意我肥係講笑氹我，無當一回事。近排我壓力大無咩胃口，瘦到12x磅，佢見我越嚟越瘦，就話我肚腩唔見咗連對波都細埋，無之前咁好睇，日日提住叫我食多d嘢增返肥，又成日拎返啲肥相嚟睇。

自從我瘦咗之後，大家搞既次數都越嚟越少。本身女朋友需要都幾大，之前一個禮拜都幾次，而且佢會好主動話要，又係咁話我好正。但依家佢幾乎唔會主動話要，一個禮拜都係得1次，甚至再疏啲，對我態度都越嚟越冷淡，好少話掛住我要見我。

唔通我女朋友真係因為我瘦咗所以無咁鍾意我？乜真係有人鍾意肥架咩？定其實佢出面有第二個，話唔鍾意我瘦只係藉口？

[匿名]

直接問佢點解最近冷淡咗，估估下會有好多誤會。

[匿名]

你點減20磅呀大佬？分享下啦。

[匿名]

點解最後要講到肥就唔會有人鍾意咁🫠

[匿名]

直接問啦 估估下冇意思😮

[匿名]

坐低好好甘坦誠溝通下🫶🏻

[匿名]

如果對方係男人一定唔會冷淡

[匿名]

建議你分享比佢知壓力起邊 所以急瘦
有機會係佢貪心你有第2個多過你
因為女性角度覺得突然瘦係咪想吸引其他人

[匿名]

可以先嘗試下溝通，問下佢有咩原因對你冷淡咗，佢點都會俾到個答案你嘅
如果佢只重視你嘅外在唔重視你為人，咁證明佢唔係好嘅另一半，你都係時候要開始為自己著想
同埋你依家面對住一啲壓力要小心身體，唔好俾壓力拖垮你嘅健康
加油～

[匿名]

習慣左大波，一時細左唔夠刺激

[匿名]

中意一個人 唔會因為肥瘦而受到影響
仲要20幾磅咪算少 我男朋友同我一齊之後肥30kg 66磅 我都一樣咁愛佢😣

[匿名]

日日食甜野三餐金拱門無難度

[匿名]

即係佢話鍾意你肥，你唔信，所以走嚟問網民佢覺得點？係咪我話佢鍾意你肥咁你就會信？

[匿名]

最好係問佢，問清楚。
其實你瘦到係好事。因為肥會有好多病痛。

[匿名]

我都想有啲壓力 最近幸福肥到人生高