男友20幾歲人，仲同阿媽一齊瞓

[匿名]

我21歲，男友24。我同佢一齊咗一年幾，一直都冇乜鬧交，日常相處都唔錯，但近排同佢屋企人一齊去旅行就發現有啲問題。。。

平時都有上佢屋企食飯坐下咁，都知佢好痴呀媽。但依家同佢成家去旅行，發現佢唔止係同呀媽frd嗰種close，甚至令我覺得佢地親密得過咗界。因為佢媽中意一齊玩唔分開，佢就全程痴住佢呀媽，兩個人一齊翹住手行，我就自己跟喺後面。。。夜晚同佢講可唔可以理我多啲，顧下我感受，始終我同佢其他屋企人都唔太熟，佢就話依個係佢家族旅行所以要痴住佢呀媽冧佢開心，同埋以佢呀媽感受行先。

好啦，我接受，覺得算啦三年冇去旅行咁咪當佢真係想冧下佢呀媽先咁。但佢每朝都會問佢媽咪著咩衫，撘緊車講每句野都會加媽咪，食咩買咩都會問咗佢先。我話覺得佢咁樣好似媽寶，佢話依啲叫尊重。但又唔見佢對住佢呀爸細佬咁樣，只係會成日叫呀媽。我覺得喺佢呀媽面前我完全俾人leftout咗。又係佢自己邀請埋我一齊去，結果我去到就好似冇乜存左價值，佢有佢媽咪就ok咁。。。

我男朋友仲會公主抱起佢呀媽，同佢呀媽back hug，甚至會一齊訓覺。有一日佢問佢呀媽今晚可唔可以一齊訓(我地book咗民宿全部人訓同一間房），佢媽竟然係話今晚唔方便而唔係拒絕🤯跟住就俾我知道原來佢地會一齊訓。我知道之後真係覺得好噁心，完全接受唔到，同返佢講佢俾我嘅回覆係咁樣係冇問題，佢地一直都係咁樣相處，係我同屋企人唔夠熟先唔會有依啲親密接觸。

但我心諗就算我同我老豆再close都唔會攬住一齊訓掛？我覺得咁樣嘅母子關係已經越曬界，但同佢講佢話係正常，我地已經嘈過幾次但佢話係我太敏感，我小題大做，同埋佢話佢同佢呀媽之間做乜都唔關我事。其實我唔想破壞佢地之間嘅關係，亦唔想破壞我同我男朋友之間嘅關係，但我真係覺得好辛苦。想問下大家我可以點做，同埋想知道係咪我接受程度太低或者我對兩性認知有問題。🙏🏻

[匿名]

好岩問佢一個問題「如果我同你呀媽一齊跌落水，你會救邊個先?」

[匿名]

諗下如果要同呢個人做人世，咁鍾意啊媽，睇怕都會搬埋一齊住。你以後每日都會見到佢去旅行時同啊媽既互動，同埋佢會事事都以啊媽行先。
你接唔接受到？接受到可以繼續，唔得就早啲分開，仲後生，世界好大。

[匿名]

唔好講尊重先
男女大防 講緊開始邁入青春期已經要識呢樣野😂
我爸爸係我8-9歲個陣已經話唔可以再坐大脾/騎膊馬
細嘅唔識大嘅要識啦下話😂😂😂

[匿名]

AV情節？認真mode 媽寶男永遠排屋企人係第一位，你預咗之後有任何爭議，都要受委屈😂

[匿名]

叫佢同佢媽拍拖啦🫢

[匿名]

明明係媽寶但講成尊重，廿四歲仔仲要同阿媽訓，咁佢應該同佢阿媽拍拖結婚而唔係你，你放過佢等於放過你自己，你緊咬唔放就必然一生厄運。

[匿名]

今晚唔方便？這句好有問題😂😂 我諗大部分人只會覺得係上演AV情節

[匿名]

媽咪，我同唔同呢個女朋友結婚好丫？
媽咪，我比幾多禮金好丫？
媽咪，我比幾多圍女家好丫？

[匿名]

我17歲既時候就比屋企人放棄左，自己住，我都想有佢咁溫馨既家庭🥲
好羨慕朋友都有屋企人

[匿名]

我反而覺得佢媽果句「唔方便」有d恐怖🫣點解會需要方便，一齊訓覺會做d乜🫣

[匿名]

歡迎收睇極品美熟婦單親媽媽攜兒子上演激情母子xx🔥

[匿名]

老老實實媽寶已經係好婉轉嘅講法，已經係有啲戀母情節咁🤢cls香港

[匿名]

搞佢老豆🤭之後你地就皆大歡喜

[匿名]

遠離群腳仔 保平安

[匿名]

就咁睇係有啲似媽寶既😂但如果唔係太過份影響到關係其實可以無視就算

今次之所以咁大影響係因為一齊去左旅行姐，建議無下次，咁就眼不見為淨