如果唔係佢過來瞓，我就唔會整親

[匿名]

我女朋友好完美，我哋兩個都好夾。但係佢成日令我受傷令到我有少少嬲。

我地一齊咗兩年，偶爾發現佢有唇瘡，雖然發作嘅時候，我哋冇任何接觸，甚至冇見面。但係佢冇唇瘡嘅時候（即係平時）都帶有病毒㗎嘛，嗰時我哋都有kiss，佢事先又冇同我講，雖然到而家都冇症狀，但係我好驚佢傳染咗俾我，話晒都係一種STD(sexually transmitted disease)。自從知道咗之後我哋已經有八個月冇kiss過。

仲有雖然我哋成日見面，但佢屋企人令佢感染到covid，搞到傳染埋我，好彩我冇咩嚴重症狀，佢就嚴重到好似三四日講唔到嘢，但我都好驚自己會有後遺症，亦都返唔到工一個禮拜，而且我病咗都辛苦咗幾日。

仲有，佢沖涼之後會整到個廁所濕晒，搞到有次我唔小心跣親（我平時喺屋企成日跑），去咗急症，痛咗幾日，拎咗7日病假。（明明之前已經有同佢講過沖涼唔好整到個廁所咁濕）

有陣時佢會嚟住我度，瞓同一張床，我有陣時起身要跨過佢行去另外一邊落床。但係另外一邊嘅床有衣櫃櫃桶，平時我都唔會點關埋佢。所以當我有一次落床嘅時候，我比自己嘅櫃桶kick親整親，如果唔係佢喺度瞓，我就唔會行另一條路落床，亦都唔會比個櫃桶整親。

所以我覺得自從同咗佢一齊之後，我需要改變好多我自己嘅習慣，從而去令到自己唔受傷。

[匿名]

你係唔係姓賴？

[匿名]

點解咁都有女朋友…😂

[匿名]

原來係物理性受傷

[匿名]

唇瘡唔係性病，有冇人可以同佢講下？😂賴生

[匿名]

我睇咗啲乜？？？？？？？？

[匿名]

你過度活躍定智力有問題 跑llm咩

[匿名]

啊 乜都係人地問題
你自己無問題😂

「有問題既永遠係人地」

[匿名]

笑撚死 你老母生把口比你係for溝通 唔係上嚟同陌生人抱怨😂
不如做少少野去主動試下改善問題🤌🏻

[匿名]

分手啦
唔好害左條女啦
反正你都唔包容佢覺得咩都係佢錯架啦
放過佢啦

[匿名]

如果唔係你要拍拖 你就唔會整親

[匿名]

唇瘡上腦 影響埋手腳協調 所以成日仆親😢

[匿名]

呢個post反而想知你幾多歲？（平時睇post直接略過）

我只係見到兩個字「自私」
淨係識諗自己 又賴地硬 果然有料🤧

[匿名]

一定係女朋友克夫，一定係！

[匿名]

喺屋企跑乜9

[匿名]

成篇文 淨係見到我同佢呢個字。
證明你個人自私到一個點。
果個你條女黎
其實係咪有咩問題一齊面對？。
而唔係賴曬落條女度啊？
建議睇到呢篇文嘅女朋友DM我，
你係時候換一個男朋友啦🔥