佢話琴晚返到屋企就瞓，但明明佢一直在線...

[匿名]

自從一個舊同事叫我玩交友app之後，一年之內我見左大概10個男仔：其中一個渣男話唔想拍拖住但就想同我咀之類，呢個係我第一個match嘅男仔，因為我a0，所以堅持唔想未確認關係就比佢錫，block左佢之後就不斷match唔同嘅男仔見，當中有兩個都確立關係後發展到stage 4，兩個都係因為唔肯staycation就散左，以上事情發生之後，加上諗住遲早都移民，所以都一段時間冇玩app!

上年接近年尾辭職之後俾frd推咗我玩番，跟住同一個男仔出咗幾次街之後就一齊左（佢表白），之所以會接受佢都係因為佢係我match過嘅所有男仔入面最唔同感覺，佢唔會隨便講甜野，直頭係唔講，同埋溝我嘅時候都好直男feel，感覺唔會呃我!

一齊之後，因為我自己本身係冇咩安全感嘅人，所以都成日懷疑佢係咪仲有玩反app之類，但so far佢都有比到安全感我，同埋行為言語上都好為我著想，真係令我覺得識到佢好幸福，但幸福就去到早幾日就停左!當我無聊發現佢在線上但冇回我，我就睇下佢可以同邊個傾咁耐，一直睇睇到凌晨佢都仲同個個人傾緊，一直都冇回我，直至第二朝先回，然後咁啱又比我見到佢ig多左一個follower，兩件事串連我就覺得佢玩番app，跟住我帶住懷疑嘅心同左佢出街，佢同我講前一晚反到屋企就瞓左，但明明我睇住佢上線同人傾計傾左成晚，我話佢講大話，佢就話打機啫，我再問除左打機冇其他野，佢堅持話係打機!

之後，我偷睇到佢手機好似有下載交友app（雖然唔太100％sure),同埋見佢回緊wtap我睇左一眼，好似好急咁轉㩒走咗，之後俾我睇到應該係同緊一個女仔傾，同埋呢日dating完反到屋企佢雖然有揾我，但都係講自己野冇平時嗰啲關心我嘅說話，你可以覺得我誇張，但我覺得係佢變左!其實相處一直都冇野，係一晚之間唔同左，我都唔肯定係我太多疑，定真係佢變左?

我真係好想同佢認真發展落去，同唔知佢係咪都想，同埋我真係一個好冇安全感嘅人，但又驚比佢知會嚇親佢，所以只好呢埋自己一個唔開心，我係咪要攤牌問佢?

[匿名]

交友app你諗住識到聖人？

[匿名]

用人不疑，疑人不用

[匿名]

想講有時你冇用IG佢都會顯示你在線上

[匿名]

睇得出你好在乎依段關係，都睇得出你一路以嚟所經歷嘅嘢會令到你諗得比以前多咗唔少
你係依件事上冇咩安全感，有冇認真同佢傾下？同埋你好似已經假定咗一個答案，差在佢肯唔肯講你心裏面個答案出嚟
攤牌係最直接嘅做法，既然你嘅懷疑心已經近乎臨界點，倒不如攤開曬啲嘢講，睇下佢點回應你嘅質疑。你覺得合理嘅就唔好再懷疑佢，一心一意繼續一齊；你覺得好怪嘅咪諗下應唔應該再繼續一齊行落去
如果佢係愛你，點都會證明俾你睇佢係對你專一，同時又會理解同安撫到你嘅情緒，令你放心呢

[匿名]

講到一舊舊。。唔肯staycation就散係乜玩法？？R爆頭

[匿名]

你說自己是A0 但已咁快說欠缺安全感問題
甚麼事也check到足
是您未成熟 或是還有其他過去事沒有提？

[匿名]

你兩個都好奇怪，建議分。

[匿名]

用app不斷識人，識到就唔比人用app🙌

[匿名]

明明online又話訓左，咁打機洗咩講大話話訓左呢？

[匿名]

😮其實...會唔會佢開住個desktop app, 所以就一直顯示online?而且有d app個online status係bug bug 地。不過你好chur囉😂

[匿名]

如果一段關係，連基本信任都冇，其實已經可以分手。🤷🏻‍♀️

[匿名]

話說，stage 4係咩😂

[匿名]

疑心咁重好辛苦架，日stalk夜stalk係會痴線的，既然佢咁講你咪信，唔信嘅佢同你講真話你都會覺得係大話，咁何必繼續一齊？

[匿名]

直接問吧啦 一段關係缺乏信任好難維繫落去

[匿名]

如果會講大話話訓咗但online，睇定d先考慮同對方認真發展落去啦