我都體諒佢返夜場點解我做PTBF就唔得？

[匿名]

簡單交代吓故事背景，我紀律部隊，就黎30，前女友20頭，佢係會所陪酒女仔。佢一直有講可以唔反夜場，正經拍拖，但反夜場佢搵到錢我地將來會更好，所以我冇反對過佢反，仲幾想佢反。

佢好靚，高瘦，超識打扮護膚保養，身邊好多兵，試過有客送20萬勞力士，手袋護膚品化妝品個d更加唔洗講，數之不盡，總之佢由頭到腳就連拖鞋都係名牌，佢自己本身亦搵緊10萬或以上一個月。

初時識佢覺得自己完全高攀唔起佢，我份糧都唔會夠佢用。但係識耐左發現佢搵男朋友要求唔高，加上我本身條件都唔差（185 cm再以上，樣正常），又穩定每月3萬以上收入，我d同事個個話佢正，媾到好有成功感，就試媾佢點知佢真係受。

由於佢一個人住，所以好快我就搬咗去同佢同居喇。但係慢慢我自卑心出咗泥，覺得自己搵個小小錢好似同佢差好遠，加上佢作息時間日夜癲倒（朝早9-10點訓，夜晚6-7點起身），佢當時唔會查我手機，令我萌生一個想法，就係去做ptbf ，搵多d錢，唔會咁自卑。

之後我襯放假做左第1單，收左幾k同一個肥女人做，亦試過收幾k幫男人(只用口)。點知一個月後，一齊睇YouTube 時我手機彈咗tg出泥比佢見到，就係我同我第一個肥女人客對話。佢搶我手機睇曬之後好唔開心，但出奇地佢冇大吵大鬧，只係一個人凌晨走咗，冷靜後佢同我傾，問我係咪因佢份工令我都要咁做報復佢，我同佢解釋唔係，只係因為我想比個好將來佢。佢話所有男人都會偷食，叫我唔好搵藉口，佢話佢雖然做呢行但從來唔會玩到同人發生關係（應該真，睇佢手機見過有客開18萬叫佢陪佢一晚，佢直接拒絕)。最後佢比多一次機會我，話再發現就冇情講，但由呢時開始我地冇再扑過，佢都拒絕同我親密。

之後我真係停左一陣冇做ptbf，但係一直好懷念搵快錢感覺，於是又忍唔住出反泥繼續做。終於一次，佢偷睇我電話又再發現，佢默默流淚之後佢好冷靜咁話既然你咁鍾意搵錢，我幫你搵埋job、你回番佣比我，我地之間冇關係，你執埋d野走。我求佢氹佢，但冇執野走，佢又冇再提過叫我搬，不了了之。之後，佢會凌晨4-5點無la la拍醒我叫我出去陪客，再分我一半錢（就算我第日番早都係）。

最後呢個狀態維持咗一個月，佢識左個同我年紀差唔多既客，開始曖昧。我見到之後發脾氣，打比佢個客鬧，佢只係淡然講句：比過一次機會你，一係你就叻d唔好比我發現，唔想阻止你做ptbf既夢想，各有各la。過咗幾日佢同客一齊咗，逼我執走哂d野，冇再應過我一句WhatsApp,仲刪埋我fb ig。

近幾日用第二個帳睇佢ig(佢ig公開），佢仲同緊個客一齊。佢變咗好多，好早起身會去做gym，會煮飯比佢男朋友食（佢以前乜野家務都唔做），成日po同佢男朋友d相，仲po兩個人無名指帶介指既相，應該準備結婚。佢再比以前靚咗，氣質多咗。我扮客打上佢公司想約佢（佢可以話係紅牌，日日都有客會打去預約佢，所以唔奇），點知個經理話佢已經一年冇反過工（同我分手一年，姐係一同客一齊就唔反）。

我好唔甘心，明明我同第個女人做我都係想比將來佢，點解佢唔體諒我？我都體諒佢反夜場喇！點解同我一齊時同現在既佢完全係兩個人？我好想試吓搵反佢。點解夜場女可以好似冇感情咁？好唔甘心好嬲。

[匿名]

佢無因為18萬而出賣自己身體
但你會因為幾K就賣身
你個價只值幾K
佢唔止值18萬

[匿名]

你ex由始至終都好清醒。
佢知道自己既優勢，知道可以運用優勢既時間有限。
·
可能佢其實都等緊你一句「唔好做啦，我地慢慢儲錢，我唔想你咁委屈」。
可惜你不但冇，仲要令佢好失望。
·
所以佢後來果斷金盤洗手，揀個可以令自己生活有保障既人，唔再同你講心、玩甚麼戀愛遊戲。
———————————————
見到女朋友要去討好其他男人，你作為男人，心入面肯定有唔舒服。
·
但係你唔捨得叫佢停，因為你自私、想早日買樓過好日子，所以間接利用左佢。
·
同一時間你要發洩頭頂綠帽又唔敢除既不滿，於是就搵左個「看似合理」既藉口———為左兩個人既將來，去用類似既方式黎討好其他女人黎「報復」佢。
·
你甚至接一個條件比佢差好多既客人，另一種意義上既侮辱佢。
同時作為自欺欺人既藉口：個客咁差我都接，都係為左兩個人既將來咋，我犧牲幾大。
———————————————
話你係懦夫已經算仁慈。

[匿名]

紀律部隊做ptbf同不道德交易即係無紀律啦，仲話紀律部隊。你好彩你係香港，你係外國可以格職拉埋

[匿名]

休班去夜場識陪酒女
然後唔俾人做，自己去做鴨
Bruh💀

[匿名]

你個人都幾冇底線

[匿名]

支持佢返夜場搵多啲錢將來會更好 笑左

[匿名]

成個故仔就係得五個point 1.我最雄偉 2.冇人雄偉得過我 3.我做乜都啱 4.我做嘢唔駛你教 5.唔好搞我後面

[匿名]

紀律部隊即係🐕啦😂

[匿名]

佢做嘢有原則，你冇，所以你冇資格唔甘心

[匿名]

由你唔反對佢返夜場陪因為將來會好
我都廢事睇落去😹

[匿名]

做夜場未必會扑嘢 你做ptbf扑埋 仲要幫男人都幾好笑🫢

[匿名]

好想睇條女個ig 😏

[匿名]

幾欣賞個女仔另類既成熟同淡然

[匿名]

睇到第一句話佢返夜場搵到錢將來會更好已經唔洗再睇落去😂😂 你真係愛佢就直頭叫佢唔好返夜場喇 放生人喇好嗎

[匿名]

紀律部隊OT錢唔少啦