你係上泥問意見定make a statement?
得閒我會諗起個男仔，而唔係男朋友
-
講翻個背景先，我同男朋友一齊左3年幾，男朋友大我10年。我18
3年前大家因為翻同一份工而熟左，之後一齊左。好快我都見左佢家人，佢屋企人都對我好滿意，好錫我。男朋友一直都視我為結婚對象，佢屋企人都想我地快啲結婚，但我每次都係笑笑地帶過。講真我而家仲讀緊書，起碼要讀多5年。我根本就唔想結婚，都有同佢提出過，但佢就話你到時就唔係咁諗㗎啦，你到時唔好嚟求翻我。咁之後我都廢時同佢嘈，咁我就冇出聲。我男朋友係一個控制慾好強嘅人。見面就會check 我電話、wts 、相簿。我日日都要同佢報到我去左邊，就算我係同女仔fd 出街要影相比佢睇。如果太遲冇覆佢，佢會發脾氣。質疑我係咪同邊個男仔出街。佢仲係一個好悶，唔識製造驚喜嘅男人。上一次三週年去左staycation都係我安排，佢冇送野比我，呢一點我都幾反感。
呢排我同我男朋友相處，唔知點解佢做咩我都睇佢唔順眼，好想鬧佢。去到近排，有一個男仔dm我，我有同佢係ig 傾過計。我男朋友問佢係邊個，我答同學。其實佢根本就唔係我同學。我知我講大話係唔啱。但如果我唔係講同學，到時又要鬧交。慢慢我都對呢個男仔產生少少興趣，我好想知道佢更加多嘢，所以我會成日開IG睇吓佢有冇post story。我為左想比呢個男仔知我多啲嘢，我set咗佢做close fd 。我平時冇野做嗰陣我都會諗起呢個男仔而唔係諗住我男朋友。其實咁樣係米已經代表我鐘意左第二個？
想問下大家我係米應該同男朋友分手，唔好害左佢？ -
阿女你先18歲，人地已經28，諗結婚係好正常，既然你未定性就放手吧
-
3週年？？？？ 15歲拍拖
-
鐘意左第二個咪分手囉😂
-
唔明點解有人淨係屌樓主 要屌嘅話 唔係應該兩個一齊屌咩？
咩叫嚟求翻我 結婚要用求？
check 電話都算 仲要check埋相簿
多疑 控制慾強 唔識尊重人 就算幾優點都冇用啦 點行到結婚個步 都冇信任嘅樓主又係嘅 你已經講咗你男朋友咁多缺點 少少優點都冇 你又有幾鍾意你男朋友？
諗清楚自己想要啲咩先啦 拍咗3年拖都仲係咁唔健康嘅相處模式 一係磨合 一係分手 -
個仔帶一個15歲既女朋友返屋企，正常黎講佢屋企人應該會覺得意外甚至擔心；但佢地既反應可以話係好反常，反而令你有「佢地好滿意、好錫我」既感覺。
真正為下一代著想既長輩都會建議年輕人完成學業先，有穩定既生活先考慮結婚生仔。
佢地明知你咁細個、仲讀緊書，竟然會催婚？
真係細思極恐，佢地有冇企係你既角度關心過你個人感受同利益？
————————————————
你呢個年紀可以話仲係小朋友，你係校園入面、連世界幾大都未知，更加唔好話搞清楚自己想要咩。
愛唔係綁住一個人、控制佢既一切，將對方改造成自己中意既樣；而係給予對方足夠既信任同自由，令對方自願留低。
你同現任既相處模式係唔健康的。
—————————
不過拍拖既嘢開心就好，依家既你揀邊個都冇問題。
但你要記住：對現階段既你黎講，冇嘢比學業重要。
好好讀書，保障自己先。
將來經歷過、唸清楚自己想要咩，先好考慮結婚。 -
而家嘅你18歲，仲有大把青春，無謂要一個對自己唔好嘅人綁死自己。拍拖係為咩？開心囉。你問下自己開心嗎？佢成日check嚟check去，係佢對自己無信心嘅一面。要你而家即走可能好難，但隨住時間流去，如果你覺得十年後都唔後悔乜都無試過，咁就隨你心意啦。
-
佢講乜撚「到時唔好嚟求番我」，佢自戀狂黎架
。
仲有佢會發脾氣，又唔識製造驚喜，樓主竟然可以同佢一齊3年幾😦⋯⋯不過都唔出奇，你同佢一齊嗰陣先15歲左右🤔 -
先唔講你同個男仔dm心掛掛，你有無諗過就係因為你男朋友太差先同以前嘅女朋友keep唔耐甚至難揾另一半，所以佢屋企人見到你得18歲天真唔識野先會催婚？如果佢地真係為你好錫你，點可能你仲讀緊書就要你結婚？擺明係想用婚姻cool住你幫佢個仔傳宗接代啦😂
-
相差十年吾係問題，但係你先18歲催野婚🙄，法定結婚年齡係21歲，更何況你書又未讀完，社會又未接觸過，萬一真係有咩事佢到時候同你離婚你乜都吾識吾知咪恐怖，同埋講真，得個18歲想分咪分手，價值觀吾同都吾行得遠，更何況佢都吾尊重你，check 你所有私隱吾係為你好啊嘛🤯，冇覆就發脾氣，遲下會吾會咁而去郁手🤯
-
先唔好講結婚，拍拖求開心，問自己一句，你快樂嗎？
你而家男友係你情人、老豆、教官定係懲教？
講大話係唔岩，但你有咁多不滿，如唔想佢check住哂、想有浪漫驚喜，有冇坦誠同佢講過？
要懂得追求屬於自己的幸福，而唔係向呢個識左三年幾嘅人交數，除非你想交一世 -
同男朋友分手啦，十年後你先會識諗
-
第一，你根本未玩夠～～18歲未見識過呢個花花世界，外面大把引誘，就算冇呢個男仔出現，你都會因其他新鮮感而有想走既念頭
第二，你男朋友就係經歷過 知道18歲既人未定性，所以先咁樣控制你，驚你做岀一d佢而去既事情
你都係諗清楚想繼續玩，定要安穩😪
-
你根本唔愛你男朋友啦，放生佢啦。
-
😢呢個30歲嘅男人唔啱你⋯⋯
Check到咁樣⋯ 完全係零尊重嘅表現 -
好合理概，控制欲太強嘅人一齊其實好辛苦，而且你仲咁細個，點樣對到老
-
佢都做到咁出面你仲俾佢繼續吊住 其實當你心裡對佢既行為有介懷嗰陣 呢段關係已經變左質 你想等發霉？🦠
-
又唔係無條件、做乜要吊死一棵樹呢！
-
我慘過你啦～ 5年都無見過家長，出街又話唔慣拖 平時又話攰又話忙 十日見一次
-
我同個ex 6年半都係見晒對方家長同親戚，但佢係ig fb已經好耐無再po過我，有我既相都del晒，甚至同人講佢係單身，你就會知其實佢想搵第二個，只係佢唔想講出口，等你自己察覺然後自動離場，佢就唔洗做衰人
-
完了吧，如無意外😎俾自己一個重生幸福嘅機會的吧🙏🏻施主
-
唔駛特登分手啦，而家同分咗有咩分別？直接識過個啦，可能佢都未必覺，慢慢唔搵大家就完咗。
-
Get your own life!
-
分手啦 拍拖拍到咁唔開心🙈不如單身好過
-
見咗屋企人就放心？我想講現實真係好恐怖、過往都見有唔少例子、我記得有單係個仔帶第二個返屋企佢屋企人知佢一腳踏兩船都係幫手隱瞞、仔女有幾仆街都好、都係有血緣嗰個、同你係無親的
-
如果角色掉番轉？各位又點睇？
-
又一個傻妹係度哂自己時間。。認真感情係你地兩個人既事 外人唔方便評論太多。。但你問得 。。你好清楚佢擺你係咩位置。你要結婚佢hea 你即係唔想。佢態度對你可有可無 你亦清楚。早 D 分開搵個更錫你既人唔好咩 ？？如果單身生活係70 分 你同佢一齊係10,0分。。仲要諗乜？
-
呢啲咁既男人 分手啦
-
同男朋友一齊5年，歲數由2字變3字，大家工作同感情都穩定。我地見過曬對方屋企人/親戚，我亦都會偶然系佢屋企過夜，但係一對外我就好似隱形人，佢唔會帶我見朋友，ig/fb亦無我既蹤影，可能對佢黎講我唔見得人。
尼5年間，我見佢朋友既次數10次都無，初初我會想融入佢圈子跟佢去玩。我雖然唔係外向，但自問有禮貌唔失禮，我個次跟佢去飲嘢，佢夜晚1點幾就送左我走，之後就叫我以後唔好去，佢話朋友唔熟尷尬。第一次見唔熟好正常，但係佢直接落閘令我唔好受。
另外佢亦都會約朋友系屋企食飯/賭錢。同樣頭幾次我都有份，我亦會招呼客人。但係幾次後佢會直接同我講約左朋友黎，叫我唔好搵佢。我同佢講我想識佢啲朋友，佢答我話唔岩玩無謂尷尬。又一次我比佢拒絕。
我自己覺得為左日後生活和諧啲互相融入對方圈子在所難免，至少可以多個共同話題。我有邀請過佢見我朋友，佢會配合，但係只係出現陪住我食完成餐飯，feel到係應酬。幾次之後我約佢，佢會叫我自己見朋友，唔使再預佢。
我地fb/ig系兩年前呃交後隱藏左所有合照，個次係分手邊緣，但係我地唔捨得對方又一齊返。但個次之後我就系男朋友既社交媒體account消失左，我會keep住大事大節/拍拖時post下相，但係佢對外就表現到自己好似單身咁，其他人見到可能都覺得佢係available。連朋友都會問我：「你同男朋友散左？無你份既」
有人會同我講：「見曬屋企人唔使擔心啦」但係我知道系佢唔在意屋企人目光，我有同佢傾過日後結婚，每次佢都會hea我，又話男人要拼搏下，又話咁早結婚無意思依家拍拖幾好。我同佢拍拖既方式就係偶然收工/放假去佢屋企（佢約朋友我仲要消失），連我都懷疑自己同佢係咪sp得閒先執一劑。
我好似永遠係下把位，佢叫我我到，佢心情好就施捨多啲時間帶我出去拍下拖。但佢玩既時候我要消失，我亦都唔問得。我搞唔清之後條路點行，當想像到10年之後我都係唔見得光，我唔知係咪依家就要分手。
/p/ClYcOymJ5zn/
-
你係上泥問意見定make a statement?
-
我係女性我明白你嘅處景，但如果你自己唔想無了期咁等，就唯有選擇放手。
-
嫌三嫌四，抵你死啦 😂而家就黎三張嘢 ，其實人地都冇諗過要娶你😂😂
-
理性討論，想知其實結婚果陣係咪正常都男方出晒？定通常會一半半
-
阿哥想吞左間公屋😂?
-
有心同你結婚，就算冇錢都會去簽紙，你咁都唔明？
-
點解結婚要儲錢 😪 簽張紙都係結婚
Sponsored by facialhk.com