得閒我會諗起個男仔，而唔係男朋友

[匿名]

講翻個背景先，我同男朋友一齊左3年幾，男朋友大我10年。我18

3年前大家因為翻同一份工而熟左，之後一齊左。好快我都見左佢家人，佢屋企人都對我好滿意，好錫我。男朋友一直都視我為結婚對象，佢屋企人都想我地快啲結婚，但我每次都係笑笑地帶過。講真我而家仲讀緊書，起碼要讀多5年。我根本就唔想結婚，都有同佢提出過，但佢就話你到時就唔係咁諗㗎啦，你到時唔好嚟求翻我。咁之後我都廢時同佢嘈，咁我就冇出聲。我男朋友係一個控制慾好強嘅人。見面就會check 我電話、wts 、相簿。我日日都要同佢報到我去左邊，就算我係同女仔fd 出街要影相比佢睇。如果太遲冇覆佢，佢會發脾氣。質疑我係咪同邊個男仔出街。佢仲係一個好悶，唔識製造驚喜嘅男人。上一次三週年去左staycation都係我安排，佢冇送野比我，呢一點我都幾反感。
呢排我同我男朋友相處，唔知點解佢做咩我都睇佢唔順眼，好想鬧佢。

去到近排，有一個男仔dm我，我有同佢係ig 傾過計。我男朋友問佢係邊個，我答同學。其實佢根本就唔係我同學。我知我講大話係唔啱。但如果我唔係講同學，到時又要鬧交。慢慢我都對呢個男仔產生少少興趣，我好想知道佢更加多嘢，所以我會成日開IG睇吓佢有冇post story。我為左想比呢個男仔知我多啲嘢，我set咗佢做close fd 。我平時冇野做嗰陣我都會諗起呢個男仔而唔係諗住我男朋友。其實咁樣係米已經代表我鐘意左第二個？
想問下大家我係米應該同男朋友分手，唔好害左佢？

[匿名]

阿女你先18歲，人地已經28，諗結婚係好正常，既然你未定性就放手吧

[匿名]

3週年？？？？ 15歲拍拖

[匿名]

鐘意左第二個咪分手囉😂

[匿名]

唔明點解有人淨係屌樓主 要屌嘅話 唔係應該兩個一齊屌咩？

咩叫嚟求翻我 結婚要用求？
check 電話都算 仲要check埋相簿
多疑 控制慾強 唔識尊重人 就算幾優點都冇用啦 點行到結婚個步 都冇信任嘅

樓主又係嘅 你已經講咗你男朋友咁多缺點 少少優點都冇 你又有幾鍾意你男朋友？
諗清楚自己想要啲咩先啦 拍咗3年拖都仲係咁唔健康嘅相處模式 一係磨合 一係分手

[匿名]

個仔帶一個15歲既女朋友返屋企，正常黎講佢屋企人應該會覺得意外甚至擔心；但佢地既反應可以話係好反常，反而令你有「佢地好滿意、好錫我」既感覺。

真正為下一代著想既長輩都會建議年輕人完成學業先，有穩定既生活先考慮結婚生仔。

佢地明知你咁細個、仲讀緊書，竟然會催婚？

真係細思極恐，佢地有冇企係你既角度關心過你個人感受同利益？

————————————————

你呢個年紀可以話仲係小朋友，你係校園入面、連世界幾大都未知，更加唔好話搞清楚自己想要咩。

愛唔係綁住一個人、控制佢既一切，將對方改造成自己中意既樣；而係給予對方足夠既信任同自由，令對方自願留低。

你同現任既相處模式係唔健康的。

—————————

不過拍拖既嘢開心就好，依家既你揀邊個都冇問題。

但你要記住：對現階段既你黎講，冇嘢比學業重要。

好好讀書，保障自己先。
將來經歷過、唸清楚自己想要咩，先好考慮結婚。

[匿名]

而家嘅你18歲，仲有大把青春，無謂要一個對自己唔好嘅人綁死自己。拍拖係為咩？開心囉。你問下自己開心嗎？佢成日check嚟check去，係佢對自己無信心嘅一面。要你而家即走可能好難，但隨住時間流去，如果你覺得十年後都唔後悔乜都無試過，咁就隨你心意啦。

[匿名]

佢講乜撚「到時唔好嚟求番我」，佢自戀狂黎架
。
仲有佢會發脾氣，又唔識製造驚喜，樓主竟然可以同佢一齊3年幾😦⋯⋯不過都唔出奇，你同佢一齊嗰陣先15歲左右🤔

[匿名]

先唔講你同個男仔dm心掛掛，你有無諗過就係因為你男朋友太差先同以前嘅女朋友keep唔耐甚至難揾另一半，所以佢屋企人見到你得18歲天真唔識野先會催婚？如果佢地真係為你好錫你，點可能你仲讀緊書就要你結婚？擺明係想用婚姻cool住你幫佢個仔傳宗接代啦😂

[匿名]

相差十年吾係問題，但係你先18歲催野婚🙄，法定結婚年齡係21歲，更何況你書又未讀完，社會又未接觸過，萬一真係有咩事佢到時候同你離婚你乜都吾識吾知咪恐怖，同埋講真，得個18歲想分咪分手，價值觀吾同都吾行得遠，更何況佢都吾尊重你，check 你所有私隱吾係為你好啊嘛🤯，冇覆就發脾氣，遲下會吾會咁而去郁手🤯

[匿名]

先唔好講結婚，拍拖求開心，問自己一句，你快樂嗎？
你而家男友係你情人、老豆、教官定係懲教？
講大話係唔岩，但你有咁多不滿，如唔想佢check住哂、想有浪漫驚喜，有冇坦誠同佢講過？
要懂得追求屬於自己的幸福，而唔係向呢個識左三年幾嘅人交數，除非你想交一世

[匿名]

同男朋友分手啦，十年後你先會識諗

[匿名]

第一，你根本未玩夠～～18歲未見識過呢個花花世界，外面大把引誘，就算冇呢個男仔出現，你都會因其他新鮮感而有想走既念頭

第二，你男朋友就係經歷過 知道18歲既人未定性，所以先咁樣控制你，驚你做岀一d佢而去既事情

你都係諗清楚想繼續玩，定要安穩😪

[匿名]

你根本唔愛你男朋友啦，放生佢啦。

[匿名]

😢呢個30歲嘅男人唔啱你⋯⋯
Check到咁樣⋯ 完全係零尊重嘅表現

[匿名]

好合理概，控制欲太強嘅人一齊其實好辛苦，而且你仲咁細個，點樣對到老